Na Mwaana Ngowakumbula

Na mwaana ngowakumbula, tulyeelete kumwiipusha na bashali bakwe mpobali. Ici cilatondesha bulemu mukwiinga ngomutwi. (Tus. 6:20) Na mwaana watulwiita ayi amunjile, tulyeelete kukaka. Na bashali bakwe tabapo, tulyeelete kusaako ciindi cimwi.

Na mwaana ngumunene, mpashi ucite myaaka mbuli 16 kushika ku 19, inga caba kabotu kutaanguna kusenga bashali bakwe. Na tabapo, inga twamwiipusha na bashali bakwe balamusuminisha kulisalila shakubelenga. Na balamusuminisha, inga twamupa cakwaabila alimwi akumutondesha jw.org na kacikonsheka.

Na twaboolelaako kumwanike wakatondesha ayi ulisuni kwiiya, tulyeelete kubonana abashali bakwe. Ici inga catucafwa kubasansulwita mulandu ngotwesita akubatondesha makani abotu alimwi ashomeka acanika muBaibo eenga acafwa mikwashi. (Kulu. 119:86, 138) Kutondesha bulemu alimwi akubabikila maano bashali shilaakupa bumboni bubotu bweenga bwatucafwa kubashimikila makani abotu abalo.—1 Pita 2:12.