Sheenga Shatucafwa Kushimikila Kabotu Amwiishe Cakushika Pamoyo Kusebensesha Libuku lya “Amuzumanane Kukkala Muluyando Lwa Leza”

MULANDU NCOCIYANDIKILA: Kwaamba ayi bantu balambile Yehova munshila njasuminisha, balyeelete kwiiya alimwi akukonkela njiisho shakwe. (Isa. 2:3, 4) Libuku lya “Luyando lwa Leza”, ndibuku lyabili lyakwiiya licafwa shikwiiya Baibo kushiba mbweenga wasebensesha njiisho shakwe Lesa mubuumi bwakwe. (Ebu 5:14) Ndyetutokwiisha tulyeelete kweelesha kumushika pamoyo kwaamba ayi nshatokwiiya shimucafwe kwaalula buumi.—Loma. 6:17.

NSHEENGA TWACITA:

• Amulibambile kabotu akuyeeya shitoyandika shikwiiya wanu. Amubambe miipusho yeenga yamucafwa kushiba nshatoyeeya alimwi ambwalinyumfwa pamakani ngatokwiiya.—Tus. 20:5; be-CG 259

• Kwaamba ayi mucafwe shikwiiya wanu kubona mpindu yakusebensesha njiisho shamu Baibo amusebenseshe makani ali mutubokosi tuli mulibuku lyoonse

• Amucafwe shikwiiya kushiba mbweenga wayeeya pashintu nshotweelete kusala kweelana anjelacaamba yesu, ono sombi mutamulwiti nshaeelete kusala.—Gala. 6:5

• Camaano amushibe na shikwiiya wanu ulicite lipenshi ndyaeelete kusebenselawo kwiinda mukusebensesha njiisho shimwi shamu Baibo. Calusuno amumuyuminishe kushiba kwaamba ayi na ulisuni Yehova ulyeelete kwaalula buumi bwakwe.—Tus. 27:11; Joni 14:31