Amwasebenseshe Kabotu Mabuku Esu

Yesu wakaamba ayi: “Mwapekwabo, amwebo mukapebo.” (Mate. 10:8) Tulakonkela maswi aya kwiinda mukubapabo bantu maBaibo na mabuku esu aamba-shamu Baibo. (2 Koli. 2:17) Nacibi boobo, mabuku aya alicite makani acancine cibotu abuumbi ciswa mu Maswi akwe Lesa. Alimwi palaya maali aanji akusebensa cankusu kwaamba ayi apulintwe akutolwa kumabungano apusene pusene nsengwe yoonse. Aboobo, tulyeelete kubwesabo ngweenga twacikonsha kwaabila.

Amuyeeye kabotu kamutana kupa muntu libuku, nabi ndyemutoshimikila mumisena mucanika bantu baanji. (Mate. 7:6) Muciindi cakunopabo mabuku bantu batokwiinda, amweeleshe kubandika ambabo kwaamba ayi mushibe na balisuni kwiiya. Sa inga mwakumbula ayi ee kumiipusho yoonse nabi womwi mukabokosi kali panshi apa? Na mutotoonsha kwaamba ayi muntu uyo ulisuni kwiiya nabi sobwe, cili kabotu kumupabo katilakiti. Nacibi boobo, na waamba ayi ulisuni magazini na libuku limwi, inga twamupa.—Tus. 3:27, 28.