Sheenga Shatucafwa Kushimikila Kabotu—Kusebensesha Kabotu Miipusho

MULANDU NCOCIYANDIKILA: Na “miyeeyo ili mumoyo wa muntu ili mbuli maanshi mumukalo ulaamfu,” nkokwaamba ayi miipusho ili anga ncikopo cakwatekelaako. (Tus. 20:5) Miipusho ilacafwa muntu ngotutobandikaakwe alakwe kwaambawo. Shikumbulo kumiipusho ibambitwe kabotu shilacafwa kushiba muntu nshatoyeeya. Yesu wakasebensesha kabotu miipusho. Ino inga twamukonkela buyani?

MBWEENGA MWACIITA:

• Amwiipushe miipusho icafwa muntu kwaamba nshatoyeeya. Yesu wakeepusha miipusho ipusene pusene kwaamba ayi ashibe nshebakalinga kuyeeya bashikwiiya bakwe. (Mate. 16:13-16; be-CG 238 mapa. 3-5) Ino njimiipusho ili icafwa muntu kuyeeya njeenga mweepusha?

• Amwiipushe miipusho icafwa kucana shikumbulo. Kwaamba ayi alulike miyeeyo yakwe Pita, Yesu wakeepusha miipusho akupa shikumbulo shakacafwa Pita kushiba cikumbulo cancine. (Mate. 17:24-26) Ino njimiipusho ili njeenga mwepusha kwaamba ayi mucafwe umwi kushiba cikumbulo cancine?

• Amumulumbe ngomutobandikaakwe. Yesu ndyaakabona ayi mufundishi wa milawo “wakumbula camaano” wakamulumba. (Maako 12:34) Ino inga mwatondesha buyani kulumba na umwi wakumbula kabotu mwiipusho?

AMWEEBELE LUBASU LWAKUTAANGUNA LWA VIDYO YA AMUSEBENSE NCITO YESU NJAAKACITA—MUNOOKWIISHA, LYALO AMUBANDIKE MIIPUSHO ITOKONKELAWO:

• Ino ngumulandunshi cakubonenaako ici cakwiisha teshi cibotu, nabi kwaamba ayi makani ngancine?

• Ino nceebo nshi tatweelete kweelabo pakusansulula makani ndyetutokwiisha?

AMWEEBELE LUBASU LWABILI LWA VIDYO YA AMUSEBENSE NCITO YESU NJAAKACITA—MUNOOKWIISHA, LYALO AMUBANDIKE MIIPUSHO ITOKONKELAWO:

• Ino mukwesu wakasebensesha buyani miipusho munshila yeelete?

• Ino ninshila nshi shimwi shakwiisha kwakwe nsheenga twakonkela?