Watchtower LAIBULALI YAPA INTANETI
Watchtower
LAIBULALI YAPA INTANETI
Cilenje
  • BAIBO
  • MABUKU
  • MABUNGANO
  • mwbr18 November mape. 1-6
  • Makani Akusebensesha amu Kabuku Kamabungano Abuumi Anciito

Taakuwo vidyo itondesha nshemwasala.

Cabica, vidyo yaala kutalika.

  • Makani Akusebensesha amu Kabuku Kamabungano Abuumi Anciito
  • Makani Akusebensesha amu Kabuku Kamabungano Abuumi Alimwi Anciito—2018
  • Tumitwi Tuniini
  • NOVEMBER 5-11
  • NOVEMBER 12-18
  • NOVEMBER 19-25
  • NOVEMBER 26–DECEMBER 2
Makani Akusebensesha amu Kabuku Kamabungano Abuumi Alimwi Anciito—2018
mwbr18 November mape. 1-6

Makani Akusebensesha amu Kabuku Kamabungano Abuumi Anciito

NOVEMBER 5-11

BUBONI BUCANIKA MUMASWI AKWE LESA | JONI 20-21

“Sa Ulinsuni Kwiinda Sheeshi?”

nwtsty makani acafwa kwiiya pali Joni 21:15, 17

Yesu wakalwiita Simoni Pita: Yesu wakabandika a Pita nshiku shiniinibo kuswa ciindi Pita ndyakamukaka mankanda otatwe. Yesu wakeepusha Pita miipusho yotatwe kwaamba ayi ashibe na ncakwiila Pita wakalinga kumusuni, ici cakamucata kumoyo aboobo “Pita wakoongumana.” (Joni 21:17) Lilembo lyakwe Joni 21:15-17 lilasebensesha maswi aciGiliki apusene obilo: a·ga·paʹo, isansululwa ayi lusuno, a phi·leʹo, isansulula kutondesha lusuno. Yesu wakeepusha Pita mankanda obilo ayi: “sa ulinsuni?” Mankanda obilo oonse Pita wakasumina ayi “wakalinga kusuni” Yesu. Yesu wakeepusha Pita linkanda lyakweelaako ayi: “sa ulinsuni abuumbi?” Pita wakabooshawo cakushinisha ayi alimusuni. Pesule lyacikumbulo cakwe Pita, Yesu wakamuyuminisha ayi wakalinga kweelete kutondesha lusuno lwakwe kwiinda mukusanina ‘akweembela’ bashikwiiya bakwe Yesu lwakumushimu, abo batokwiitwa ayi “twaana twa mbelele.” (Joni 21:16, 17; 1 Pita 5:1-3) Yesu wakaleka Pita kushinisha lusuno lwakwe mankanda otatwe lyalo ndyaakamupa mukuli wakulama mbelele. Munshila iyi, Yesu wakatondesha cakumaninina kwaamba ayi wakamulekelela Pita pakumukaka mankanda otatwe.

sa ulinsuni kwiinda sheeshi?: Maswi akwaamba ayi “kwiinda sheeshi” inga asansulula shiinji. Beshikulemba makani bamwi balaasansulula ayi “sa ulinsuni kwiinda bashikwiiya bamwi aba?” na “sa ulinsuni kwiinda bashikwiiya bamwi mbobansuni?” Nacibi boobo, maswi aya alyeelete alasansulula ayi “sa ulinsuni kwiinda sheeshi?” nkokwaamba ayi, kwiinda nswi nshebakalinga bacaya na makwebo akucaya nswi. Aboobo citeente cinene pavesi iyi citoboneka ncakwaamba ayi: ‘Sa ulinsuni kwiinda shintu shakumubili na kulangoola shakumubili? Na mboboobo, sanina twaana twa mbelele shangu.’ Uyu inga waba mwiipusho weelela kuli Pita ceebo cancito njaakalinga kucite kale kale. Nabi kwaamba ayi Pita wakalinga womwi wabashikwiiya bataanshi bakwe Yesu (Joni 1:35-42), taakwe kushikilabo kuba shikwiiya wakwe Yesu waciindi coonse. Sombi wakataanguna waboolela kuncito yakwe yakucaya nswi. Ndipakeenda myeenshi, Yesu wakeeta Pita kwaamba ayi ashiye ncito yakwe ya maali akuba ‘shikuloba bantu.’ (Mate. 4:18-20; Luka 5:1-11) Ano, ndipakeendabo nshiku nshiniini kuswa ciindi Yesu ndyaakafwa, Pita abatumwi bamwi bakaboolela alimwi kuncito yakucaya nswi. (Joni 21:2, 3) Aboobo citoboneka kwaamba ayi Yesu apa wakalinga kuyuminisha Pita kuyandika kwa kusalawo cintu comwi kwakubula kutoonsha: Sa alaakubika panembo ncito yakucaya nswi, iyo yakalinga kwiimikaninwaako amuulu wanswi nshebakalinga bacaya, na sa alaakubika panembo ncito yakusanina lwakumushimu twaana twa mbelele na bashikwiiya?—Joni 21:4-8.

lyatatu: Pita wakalinga wakaka mwaami wakwe mankanda otatwe; Yesu wakamupa coolwe cakushinisha lusuno lwakwe mankanda otatwe. Aboobo Yesu wakalwiita Pita kutondesha lusuno lwakwe kwiinda mukubika ncito isalalite panembo pashintu shoonse. Pita abamakwabesu bamwi bakapekwa mikuli bakalinga kweelete kusanina, kuyuminisha, akweembela litanga lyakwe Klistu lya bashikwiiya bakwe bashomeka. Nabi bakalinga kunanikitwe, bakalinga kuyandika kusaninwa lwakumushimu.—Luka 22:32.

Kulangoola Buboni Bwakumushimu

nwtsty makani acafwa kwiiya pali Joni 20:17

Utancatilili: Muci Giliki liswi lyakwaamba ayi haʹpto·mai inga lyasansulula “kucata” na “kucatilila kucintu cimwi.” Basansulushi bamwi balasansulula maswi akwe Yesu aya ayi: “Utancaati.” Nacibi boobo, Yesu taakalinga kukasha Maliya waku Magadala ayi atamucaati, mukwiinga taakwe kucita boobo banakashi bamwi ‘ndyebakamucata kushimpanta’ ciindi ndyaakabushikwa. (Mate. 28:9) Citoboneka kwaamba ayi Maliya waku Magadala wakalinga kuyeeya ayi mpashi Yesu atooya kwiculu. Aboobo wakacatilila Yesu kushimpanta akutamulekela ayi aye ceebo cakusuna kuba a Mwaami wakwe. Yesu wakashomesha ayi nkwaacili kwiinda mukumulwiita ayi atamucatilili, sombi ayi aye kubashikwiiya bakwe akubalwiita makani abotu akubuka kwakwe.

(Joni 20:28) Tomasi wakakumbula ayi: “O Mwaami wangu, O Lesa wangu!”

nwtsty makani acafwa kwiiya pali Joni 20:28

O Mwaami wangu, O Lesa wangu!: Beshikulemba makani bamwi balabona ayi aya ngamaswi akukankamana akaambilwa Yesu sombi akalinga kululamikwa kuli Lesa, Baishi. Bamwi balaamba ayi kweelana amaswi amuci Giliki, maswi aya alyeelete kubonwa ayi akalinga kululamikwa kuli Yesu. Nacibi boobo maswi akwaamba ayi “O Mwaami wangu, O Lesa wangu” inga twanyumfwishishabo na twalanga shaamba Malembo amwi oonse. Ano mukwiinga makani akalembwa alatondesha ayi Yesu wakalinga walwiitawo bashikwiiya bakwe ayi, “Ntooya kuli baTa alimwi mbobaishiwanu amwebo, nguLesa wangu amwebo nguLesa wanu,” taakuwo nceenga twayeeyela ayi Tomasi wakayeeya ayi Yesu wakalinga Lesa shinkusu shoonse. (Amubone makani acafwa kwiiya pali Joni 20:17.) Tomasi wakanyumfwa Yesu ndyaakalinga kupaila kuli “Baishi,” akubeeta ayi “Lesa wancinencine eenkabo.” (Joni 17:1-3) Aboobo mpashi Tomasi wakeeta Yesu ayi “Lesa wangu” ceebo cakwaamba ayi: Wakalinga kubona Yesu mbuli “lesa” sombi kuteshi Lesa shinkusu shoonse. (Amubone makani acafwa kwiiya pali Joni 1:1) Na mpashi wakamwiitabo bweenka mbuli basebenshi bakwe Lesa mbobakalinga kwiita baanjelo bakalinga kuleta nkombe kuswa kuli Yehova, kweelana anshetucana mu Malembo aci Ebulu. Tomasi alyeelete wakalinga kucishi kabotu makani abantu bamwi, na balembi bamu Baibo cimwi ciindi mbobakalinga kukumbula anga batokwaamba a Yehova Lesa, ciindi ndyebatambula nkombe kuswa kuli Lesa kwiinda mumunjelo. (Amweelanye Mata. 16:7-11, 13; 18:1-5, 22-33; 32:24-30; Boombo 6:11-15; 13:20-22.) Aboobo, Tomasi alyeelete wakeeta Yesu ayi “Lesa wangu” munshila iyi, nkokwaamba ayi kutondesha bulemu kuli Yesu mbuli shikwiimikaninaako Lesa wancinencine.

NOVEMBER 12-18

BUBONI BUCANIKA MUMASWI AKWE LESA | MILIMO 1-3

“Mushimu Usalashi Wakatilwa pa Libungano lya Bwineklistu”

w86 12/1 p. 29 mapa. 4-5, 7

Shipo Shisangalasha Moyo

Bushiku bwakutaanguna libungano lya Bwineklistu ndyelyakatalika mumwaaka wa 33 C.E., bashikwiiya bapya bakabombekwa abo bakalinga 3,000 ‘bakalinga kwaabana nshebakalinga kucite, kulita pomwi, akupaila.’ Ino nceebonshi? Bakalinga kusuni kuyumya lushomo lwabo ulo ndobakaswabo mukwiiya kwiinda ‘mukutolelela kubikila maano kukwiisha kwa batumwi.’—Milimo 2:41, 42.

BaJuda bamwi bakesa kukusekelela kwa Pentekositi ku Jelusalemu, bakalinga kusuni kukalakobo nshiku shakusekelela uko. Ono Beneklistu bapya bakalinga kusuni kukala nshiku shiinji kwaamba ayi beeye shiinji akuyumya lushomo lwabo lupya. Ici cakaleta lipenshi lyakutengashila lyakuceya kwa shakulya akubula kwakoona. Beensu bamwi tabakalinga kucite maali akwene, sombi bamwi bakalinga kucite aanji. Aboobo kwakaciindi kwakaba bubaambo bwakwaabilako bamwi shiyandika shakumubili.—Milimo 2:43-47.

Kuulisha maanda na misena akwaabila bamwi shintu kwakacitwa mukuliyandila. Taakuwo wakakakatishikwa kuulisha na kupa cipo alimwi ubu tabwakalinga bubambo bwakupa kwaamba ayi bamwi bacaale bakandu. Ici tacakalinga kwaamba ayi abo bakalinga kucite shiinji bakashuulisha shoonse akuba bakandu. Sombi bakanyumfwila nkumbu bashominyinaabo ceebo ca bukaalo bwapacecilya ciindi, aboobo bakoolisha shintu shabo akupa maali ayo kwaamba ayi acafwilishe kutola panembo shiyandika sha Bwaami.—Amweelanye 2 Bene Kolinto 8:12-15.

Kulangoola Buboni Bwakumushimu

(Milimo 3:15) Mwebo mwakacaya Mutanjilili Munene wabuumi, sombi Lesa wakamubusha kuswa kubafu. Ono swebo tuli bakamboni pacikani ici.

it-2-E 61 pala. 1

Yesu Klistu

“Mutanjilili Munene wabuumi.” Mbuli citondesho ca nkumbu sha Baishi, Yesu Klistu wakaaba buumi bwakwe busalalite mbuli mulambu. Ici cakapa kwaamba ayi bashikwiiya bakwe bakasalwa babe acoolwe cakuba pantu pomwi a Klistu mu Bwaami bakwe kwiculu akuba abalelwa pacishi ca panshi. (Mate. 6:10; Joni 3:16; Efe. 1:7; Ebu. 2:5) Aboobo wakaba “Mutanjilili Munene [“Mwaami,” KJ; JB] wabuumi” bwa bantu boonse. (Mili. 3:15) Kweelana amaswi amuci Giliki, maswi akwaamba ayi “mutanjilili munene,” alikoshenye aliswi lyakasebenseshekwa kwaamba pali Mose (Mili. 7:27, 35) mbuli “muleli” wamucishi ca bene Isilaeli.

(Milimo 3:19) “Amusanduke kuswa kushibiibi shanu, kwaamba ayi shibiibi shanu shifutwe, kwaamba ayi mutambule kuyuminishikwa kuswa kuli Yehova

cl 265 pala. 14

Lesa “Ulibambite Kulekelela”

14 Kulekelela kwakwe Yehova kwakasansululwa kabotu pa Milimo 3:19 paamba ayi: “Amusanduke kuswa kushibiibi shanu, kwaamba ayi shibiibi shanu shifutwe.” Muci Giliki maswi akwaamba ayi “shifutwe, alasansulula. . . kukushawo na kunyonyoola.” Kweelana abeshikulemba bamwi, maswi aya alasansulula kufuta shakalemba umwi. Ano ino ishi inga shakonsheka buyani? Inki njebakalinga kusebensesha kale kale yakalinga kupangwa kwiinda mukusenkanya makalangasha, mashina acisamu, amaanshi. Pesule lyakulemba a inki iyo, muntu wakalinga kucikonsha kufuta nshaalinga alemba kwiinda mukusebensesha cisani citontola. Ici cilatutondesha cikope cibotu abuumbi ca nkumbu shakwe Yehova. Na watulekelela shibiibi shesu, cilababo anga wabwesa cisani citontola akufuta shibiibi isho.

NOVEMBER 19-25

BUBONI BUCANIKA MUMASWI AKWE LESA | MILIMO 4-5

“Bakatolelela Kwaamba Maswi Akwe Lesa Cakubula Boowa”

w08 9/1 p. 15, kabokosi

Maswi Mbwakaba Malembo Asalalite—Kulemba Muciindi ca Batumwi

Sa Batumwi Tabakalinga Kwiiteewo?

Beendeleshi abamanene ku Jelusalemu “ndyebakabona Pita a Joni mbobakalinga kwaamba cakubula boowa, bakakankamana abuumbi ceebo bakalinga kuyeeya ayi tabakalinga kwiiteewo, bakalinga bantubo.” (Milimo 4:13) Ano sa ncakwiila batumwi tabakalinga kwiite na kushiba kulemba? Libuku limwi lyaamba pabusansulushi bwa makani amu Baibo lyakaamba ayi: “Maswi aya tulyeelete kwaanyumfwishisha kabotu mukwiinga taambi ayi Pita [a Joni] tabakalinga kwiite alimwi tabakalinga kucishiwo kulemba nabi kubelenga. Bantu bakaamba maswi aya bakalinga kulibona ayi mbapeculu kwiinda batumwi.”

w08 5/15 p. 30 pala. 6

Shiteente Shinene Shicanika Mulibuku Lya Milimo

4:13—Sa Pita a Joni Tabakalinga Kwiiteewo? Sobwe, bakalinga kwiite. Bakalinga kubabona ayi ‘tabaiiteewo akwaamba ayi mbantubo’ ceebo ca kwaamba ayi tabakwe kuyaawo kushikolo shaba Juda shakwiiya makani abupailishi.

it-1 128 pala. 3

Batumwi

Kusebensa Cankusu Mulibungano lya Bwineklistu. Batumwi bakayuminishikwa abuumbi ndyebakatambula mushimu usalashi pa Pentekositi. Macapita akutaanguna osanwe alibuku lya Milimo ya Batumwi alatondesha batumwi mbobakalinga kushimikila cakubula boowa makani abotu akubuka kwakwe Yesu, nabi bakalinga kwaangwa, kuumwa, na kuloondeshekwa abeendeleshi babo. Munshiku shakaboolaawo kuswa bushiku bwa Pentekositi, libungano lya Bwineklistu lyakakomena cikankamika ceebo cakutanjililwa abatumwi abo bakalinga kutanjililwa amushimu usalashi. (Mili. 2:41; 4:4) Kumatalikilo, bakalinga kushimikilabo mu Jelusalemu, lyalo bakashimikila aku Samaliya, alimwi mukuya kwaciindi, bakashimikila akumisena iinji mucishi.—Mili. 5:42; 6:7; 8:5-17, 25; 1:8.

Kulangoola Buboni Bwakumushimu

(Milimo 4:11) Ili ‘ndyelibwe mwebo nobayaki ndimwakakaka akusuula lyakaba ndyelibwe liyandika lya mulikonko.’

it-1 514 pala. 4

Libwe lya Mulikonko

Kulumbaisha 118:22 ilatulwiita ayi libwe bayaki ndyobakakaka lilaakuba ndyolibwe ‘liyandika lya mulikonko’ (Ebu., roʼsh pin·nahʹ). Yesu wakasebensesha maswi abushinshimi aya kwaamba pali nguwe mbuli libwe “liyandika lya mulikonko” (Gr., ke·pha·leʹ go·niʹas). (Mate. 21:42; Maako 12:10, 11; Luka 20:17) Bweenka mbuli lubasu lwapeculu paŋanda mbolubonekela, Yesu Klistu alakwe ngomutanjilili wa libungano lya Beneklistu bananikitwe, ilyo likoshanishikwa atempele yakumushimu. Pita alakwe wakasebensesha maswi ali pa Kulumbaisha 118:22 kwaamba pali Klistu, kutondesha ayi ngwaakalinga “libwe” bantu ndyebakaka ilyo Lesa ndyaakasala kwaamba ayi libe “libwe liyandika lya mulikonko.”—Mili. 4:8-12; Amubone 1 Pita 2:4-7.

(Milimo 5:1) Ono kwakalinga aumwi musankwa wiitwa ayi Ananiyasi alimwi amukaakwe Safila, abalo bakoolisha buboni bumwi mbobakalinga kucite.

w13 3/1 p. 15 pala. 4

Pita a Ananiyasi Bakabeca—Ino Nshiinshi Nsheenga Tweeyawo?

Ananiyasi amukaakwe bakoolisha muunda kwaamba ayi bacafwe Beneklistu bapya. Ananiyasi ndyaakatola maali kubatumwi, wakabalwiita ayi ngomaali woonse ngobakoolisha muunda. Sombi ubu bwakalinga bubeshi! Bakakushawo maali amwi! Lesa wakashibisha Pita makani aya, aboobo Pita wakaambila Ananiyasi ayi: “Tookwe kubeca bantu, sombi Lesa mwiine.” Mpeeke Ananiyasi ndyaakanyumfwabo maswi aya, wakawita panshi, akufwa! Ndipakeenda ciindi ciniini, alakwe mukaakwe wakapola. Kaateshi cakacitika kubeebaye, alakwe wakabeca, lyalo wakawita panshi akufwa.

NOVEMBER 26–DECEMBER 2

BUBONI BUCANIKA MUMASWI AKWE LESA | MILIMO 6-8

“Libungano Lipya Mbolyakeeleshekwa”

bt 41 pala. 17

“Tulyeelete Kunyumfwila Lesa, Kuteshi Bantu”

17 Mulibungano lipya ili mwakabuka lipenshi linene liloondesha. Ino lyakalinga lipenshi nshi? Bashikwiiya baanji bakabombekwa bakalinga beensu ku Jelusalemu alimwi bakalinga kusuni kwiiya shiinji kabatana kuboolela kumishaabo. Bashikwiiya bakalinga kukala mu Jelusalemu bakapa maali mukuliyandila akucafwilisha beensu bakesa mundabala iyi kuula shakulya ashintu shimwi shiyandika. (Milimo 2:44-46; 4:34-37) Paciindi ceenka ici, kwakabuka lipenshi lyakalinga kuyandika kucenjela pakulimanisha. Pa “kwaabanya” shakulya, bamukalubinje baamba ciGiliki “tabakalinga kubabanyaako.” (Milimo 6:1) Ano bamukalubinje baamba ci Ebulu balo bakalinga kupekwa lyoonse. Aboobo citoboneka ayi lipenshi lyakalinga nkusalulula. Mapensho mbuli lipenshi ili inga aleta kutacatana.

bt 42 pala. 18

“Tulyeelete Kunyumfwila Lesa, Kuteshi Bantu”

18 Batumwi bakalinga kwiimikaninaako likoto litanjilila lya libungano ilyo lyakalinga kuya bukomena, bakabona kwaamba ayi inga tacibi cintu camaano ‘kucileka ncito yakwiisha maswi akwe Lesa akutalika kwaabila shakulya bantu.’ (Milimo 6:2) Kwaamba ayi bamanishe lipenshi ili, bakalwiita bashikwiiya kwaamba ayi balangoole basankwa bali 7 “baswite mushimu abusongo” abo mbweenga batumwi bapa “ncito iyandika iyi.” (Milimo 6:3) Basankwa bakalinga kushikiteewo kabotu bakalinga kuyandika mukwiinga tabakalinga kweelete kusebensabo ncito yakwaabila shakulya sobwe, sombi kwakalinga anciito yakusunga maali, kuula shintu, alimwi akusunga kabotu shilembetwe. Basankwa boonse bakasalwa bakalinga kucite meena aci Giliki, mpashi ici cakapa kwaamba cibe cuubu kubamukalubinje bakalinga bakalashikwa. Pesule lyakupaila abuumbi ndyebakalinga kusala beelete kusebensa ncito iyi, batumwi bakasala basankwa 7 kwaamba ayi basebense “ncito iyandika iyi.”

Kulangoola Buboni Bwakumushimu

(Milimo 6:15) Mpeeke boomboloshi boonse bakalangilishisha Sitifini, lyalo bakabona ciwa cakwe kaciboneka anga nca munjelo.

bt 45 pala. 2

Sitifini—“Wakalinga Kuswite Lushomo Amushimu”

2 Cakabaloondesha ciwa cakwe Sitifini mbocakalinga kuboneka paciindi ici. Boomboloshi ndyebakamulangishisha bakabona ciwa cakwe “kaciboneka anga nca munjelo.” (Milimo 6:15) Baanjelo balashimikila nkombe shiswa kuli Yehova Lesa aboobo taakuwo ncebaloonda balaba bakalikene. Sitifini alakwe mbwaakalinga—aboomboloshi abo bakalinga kumupatite abuumbi bakabona kwaamba ayi wakayuma alimwi takalinga kuloonda. Ino nciinshi cakamupa kuyuma bobulya?

bt 58 pala. 16

Kwaambilisha “Makani Abotu Pali Yesu”

16 Beneklistu munshiku shino balicite coolwe cakusebensaako ncito mbuli yeeyo yakalinga kusebensa Filipi. Liinji, balacikonsha kushimikila makani a Bwaami kubantu mbobakumanyabo mumisena ipusene pusene, mbuli ciindi ndyebali palweendo. Alimwi liinji, cilabonekelabo patuba kwaamba ayi na bakumanya muntu usuni kwiiya nkokwaamba ayi ngu Lesa wabacafwa. Ishi nshetulangila kucana, mukwiinga Baibo ilatulwiita ayi baanjelo mbobatotanjilila ncito yakushimikila kwaamba ayi inkombe ikashike “cishi coonse, mikowa yoonse milaka abantu boonse.” (Ciyu. 14:6) Yesu wakaambila limwi ayi baanjelo mbeshi bakatanjilile ncito yakushimikila. Ndyakaamba cikoshanyo ca witi ansaku, Yesu wakaamba ayi ciindi cakutebula—ngamamanino abweende bwashintu—“beshikutebula mbaanjelo.” Wakeendilisha akwaamba ayi shilengwa shakumushimu ishi ‘shilaakukusha shintu shoonse shisuntusha abantu bacita shibiibi mu Bwaami bwakwe,’ (Mate. 13:37-41) Alimwi paciindi ceenka ico, baanjelo balaakubunganya baabo boonse batolangila kupyana Bwaami bwakwiculu—lyalo pesule ndyeshi bakabunganye “likoto linene” lya “mbelele shimwi”—Yehova nshaasuni kuleta mulibunga lyakwe.​—Ciyu. 7:9; Joni 6:44, 65; 10:16.

    Mabuku amu Cilenje (2011-2026)
    Amusweemo
    Amunjile
    • Cilenje
    • Share
    • Kusala shimwi nshemusuni
    • Copyright © 2025 Watch Tower Bible and Tract Society of Pennsylvania
    • Mbweenga Mwasebensesha
    • Makani Amulawo
    • Privacy Settings
    • JW.ORG
    • Amunjile
    Share