Mbweenga Mwalibambila Ciibalusho

Kutalika mwaaka uno, tulaakuba aciindi cilaamfu cakulibambila Ciibalusho ca lufu lwakwe Klistu. Na bushiku bwa Ciibalusho bulaakuba pabushiku bwa mukati kansondo nkokwaamba ayi kubungana kwa Buumi Anciito teshi kukabeeko nsondo iyo. Na bushiku bwa Ciibalusho bulaakuba Pacibelu nabi Pasondo, nkokwaamba ayi kubungana kwa likani lya Baibo a Njashi Yamulindilishi teshi kukabeeko. Sa ciindi ici mulaakucisebensesha kabotu? Bweenka mbuli mbocakalinga muciindi ca batumwi, tulyeelete kulibambila kabotu kwaamba ayi tukacanikeeko kucakucitika ici cilibetele. (Luka 22:7-13; km-CG 3/15 1) Ino nshiinshi nsheenga twaciita kwaamba ayi tulibambile kabotu?

• Amuyeeye ncociyandikila kucanikaako.—1 Koli. 11:23-26

• Amupaile akuyeeya pabushicibusa bwanu a Yehova.—1 Koli. 11:27-29; 2 Koli. 13:5

• Amubelenge Malembo aamba sha Ciibalusho akukutumana kuyeeyawo.—Joni 3:16; 15:13

Beshikushimikila bamwi balabelenga lubasu lwa Kubelenga Baibo kwa Ciibalusho lucanika mukabuku ka Kulingaula Magwalo Abuzuba akukutumana kuyeeyawo. Bamwi balabelenga mavesi amuBaibo atondeshekwa mucaati mbuli yeeyi itokonkelaawo. Bamwi balabelenga makani acanika mu Njashi Yamulindilishi yaamba pa Ciibalusho alusuno Yehova a Yesu ndobakatutondesha. Makani ali woonse paaya ngeshi mukasale kwiiya, alaakuyumya bushicibusa bwanu a Yehova alimwi aMwanaakwe.