Sheenga Shamucafwa Kunookwiibaluka Malembo

Sa cimwi ciindi cilamubeta ciyumu kwiibaluka malembo ngomusuni abuumbi? Mpashi nga malembo amuyuminisha, amucafwa kuleya miyeeyo itabete kabotu, na ngeenga mwasuna kulwiitako bamwi. (Kulu. 119:​11, 111) Nsheeshi shimwi sheenga shamucafwa kunokwiibaluka malembo.

• Amusebenseshe JW Library^® appu. Ndyemutobelenga Baibo mu JW Library appu, na mwacana lilembo ndyemusuni kunokwiibaluka, inga mwalibika palubasu pakwaamba ayi cinoomubeta cuubu kulicana.

• Amubike lilembo pamusena mpeenga kacimubeta cuubu kunoolibona. Amulembe lilembo ndyomusuni kunokwiibaluka pakapepa, lyalo akukabika pamusena mpeenga camubeta cuubu kunoobonaawo. Bamwi balamatika kapepa palembetwe lilembo paligilasi lyalo bamwi balakamatika pa filiji. Bamwi balakopa lilembo akulibika pa sikilini ya fooni na yapa kompyuta.

• Amulembe tumakaadi. Amulembe libuku lyamu Baibo, capita, alimwi avesi kulubasu lumwi lwa kakaadi lyalo kulubasu lumwi amulembeko maswi acanika palilembo ilyo. Amweeleshe kwiibaluka maswi ali palilembo ilyo na mwalanga pa capita alimwi a vesi. Lyalo na mwataanguna kubona kulubasu kulembetwe maswi, amweeleshe kwiibaluka lilembo maswi ayo mpwacanika.