47 Naye ekitundu kya Ddaani kyali tekibamala.+ Awo ab’ekika kya Ddaani ne bambuka ne balwanyisa Lesemu+ ne bakiwamba ne batta abantu baamu n’ekitala. Awo ne bakyeddiza, ne bakibeeramu, era ne bakyusa erinnya lyakyo ne bakituuma Ddaani, nga bakibbula mu Ddaani, jjajjaabwe.+ 48 Obwo bwe bwali obusika bw’ab’ekika kya Ddaani ng’empya zaabwe bwe zaali, era ebyo bye byali ebibuga n’ebyalo ebibyetoolodde.

20 Awo Abayisirayiri bonna okuva e Ddaani+ okutuuka e Beeru-seba n’okuva mu nsi ya Gireyaadi+ ne bajja; ekibiina kyonna ne kikuŋŋaana wamu mu maaso ga Yakuwa e Mizupa,+ nga bonna bassa kimu.*

25 Ekiseera kyonna eky’obulamu bwa Sulemaani, abantu b’omu Yuda ne Isirayiri baali mu mirembe, nga buli muntu ali wansi w’omuzabbibu gwe n’omutiini gwe, okuva e Ddaani okutuuka e Beeru-seba.

28 Awo kabaka ne yeebuuza ku abo abaamuwanga amagezi n’akola ennyana bbiri eza zzaabu,+ n’agamba abantu nti: “Mukaluubirirwa nnyo okwambuka e Yerusaalemi. Ggwe Isirayiri, ono ye Katonda wo eyakuggya mu nsi ya Misiri.”+ 29 Ennyana emu yagiteeka mu Beseri,+ endala n’agiteeka mu Ddaani.+