EBITUNDU EBY’OKUSOMA

Abantu ba Yakuwa bali mu lusuku olw’eby’omwoyo mu kitundu eky’oku nsi eky’ekibiina kya Katonda. Tuyinza tutya okulaga nti tusiima olusuku olw’eby’omwoyo Yakuwa lw’atuwadde, era buli omu ku ffe ayinza kukola ki okwongera okulungiya olusuku olwo? Ekitundu kino kiddamu ekibuuzo ekyo.

Ekitundu kino kiraga ebimu ku bintu eby’ekitalo ebinaatera okubaawo. Era kiraga ensonga lwaki abantu ba Katonda tebasaanidde kutya ebyo ebijja okubaawo mu kiseera ky’ekibonyoobonyo ekinene.

Abantu bangi mu nsi eno beenyumiririza nnyo mu ggwanga lyabwe, langi yaabwe, oba olulimi lwabwe. Naye Abakristaayo beeyama okuba abeesigwa eri Yakuwa. Ekitundu kino kiraga ensonga lwaki tetwenyigira mu bukuubagano bw’ensi eno era kiraga engeri gye tuyinza okutendekamu ebirowoozo byaffe n’omuntu waffe ow’omunda kituyambe okusigala nga tuli beesigwa eri Yakuwa.

Abantu ba Yakuwa okwetooloola ensi bakuŋŋaanira mu Bizimbe by’Obwakabaka nkumi na nkumi ne mu bifo ebirala okusinza. Ekitundu kino kiraga emisingi gya Bayibuli egisobola okutuyamba okumanya engeri gye tusaanidde okweyisaamu nga tuli mu nkuŋŋaana zaffe n’engeri gye tuyinza okuwagira omulimu ogw’okuzimba n’okuddaabiriza Ebizimbe by’Obwakabaka, tusobole okuweesa Yakuwa ekitiibwa.