Tambulira mu Bigere bya Kristo

Yesu yatuteerawo ekyokulabirako ekirungi kye tuyinza okukoppa, nnaddala nga tuyigganyizibwa. (1Pe 2:21-23) Wadde nga yavumibwa, teyeesasuza; ne bwe yali ng’abonyaabonyezebwa. (Mak 15:29-32) Kiki ekyamuyamba okugumiikiriza? Yali amaliridde okukola Yakuwa by’ayagala. (Yok 6:38) Ate era, ebirowoozo bye yabimalira ku ‘ssanyu eryateekebwa mu maaso ge.’​—Beb 12:2.

Twandyeyisizza tutya nga tuyigganyizibwa olw’okuweereza Yakuwa? Abakristaayo ab’amazima beewala okwesasuza. (Bar 12:14, 17) Bwe tugumiikiriza nga tubonaabona nga Kristo bwe yakola, tujja kuba basanyufu kubanga tuba tukimanyi nti tusanyusa Yakuwa.​—Mat 5:10-12; 1Pe 4:12-14.

MULABE VIDIYO, ERINNYA LYA YAKUWA LYE LISINGA OBUKULU, OLUVANNYUMA MUDDEMU EBIBUUZO BINO:

• Mwannyinaffe Pötzingera yakozesa atya obulungi ebiseera bye, bwe yali asibiddwa mu kkomera?

• Mbeera ki Ow’oluganda ne Mwannyinaffe Pötzinger gye baayitamu nga bali mu nkambi y’abasibe?

• Kiki ekyabayamba okugumira embeera eyo?