Zabbuli
Eri akubiriza eby’okuyimba. Ya ku “Tozikiriza.” Zabbuli ya Dawudi. Mikutamu.*
58 Musobola okwogera ku butuukirivu nga musirise?+
Musobola okulamula mu bwenkanya, mmwe abaana b’abantu?+
2 Mu kifo ky’okukola bwe mutyo, mugunja ebitali bya butuukirivu mu mitima gyammwe,+
Era emikono gyammwe gibunyisa ebintu eby’akabi mu nsi.+
3 Ababi bakwata ekkubo ekkyamu* okuva lwe bazaalibwa;*
Baba bajeemu era balimba okuva lwe bazaalibwa.
5 Tewulira ddoboozi ly’abalogo,
Ne bwe baba bakugu batya mu by’obulogo.
6 Ai Katonda, wangula amannyo mu kamwa kaabwe!
Ai Yakuwa, menya emba z’empologoma zino!
7 Ka baggweewo ng’amazzi agakulukuta ne gagenda.
Katonda k’awete omutego gwe abakube obusaale bagwe.
8 Ka babeere ng’ekkovu eritambula nga bwe lisaanuuka;
Ka babeere ng’omwana azaalibwa ng’afudde n’atalaba ku njuba.
9 Ng’entamu zo tezinnayitamu muliro gw’akati ak’amaggwa,
Katonda ajja kuggyawo ettabi ebbisi n’eryo eryaka, bibe ng’ebitwalibwa omuyaga.+
10 Omutuukirivu ajja kusanyuka olw’okulaba okuwoolera eggwanga okwo.+
Ebigere bye bijja kutotobala omusaayi gw’ababi.+
11 Abantu bajja kugamba nti: “Mazima ddala, omutuukirivu aweebwa empeera.+
Ddala waliwo Katonda asala omusango mu nsi.”+