Zabbuli
Eri akubiriza eby’okuyimba; ku Gittisu.* Zabbuli ya Asafu.+
81 Mwogerere waggulu n’essanyu mu maaso ga Katonda amaanyi gaffe.+
Mukubire Katonda wa Yakobo emizira.
2 Mutandike okukuba oluyimba era mukwate obugoma,
Entongooli evuga obulungi awamu n’ekivuga eky’enkoba.
3 Mufuuwe eŋŋombe ng’omwezi gwakaboneka,+
Mufuuwe eŋŋombe ng’omwezi gwa ggabogabo, ku lunaku lwe tukwata embaga yaffe.+
4 Kubanga eryo tteeka eri Isirayiri,
Kiragiro kya Katonda wa Yakobo.+
Nnawulira eddoboozi lye* saategeera nga ligamba nti:
6 “Nnaggya omugugu ku kibegaabega kye;+
Emikono gye gyaggibwa ku kisero.
Nnakugezeseza ku mazzi g’e Meriba.*+ (Seera)
8 Muwulire mmwe abantu bange, nja kubabuulirira.
Ggwe Isirayiri, singa kale ompuliriza!+
9 Mu mmwe temulibaamu katonda mulala,
Era temulivunnamira katonda mulala.+
10 Nze Yakuwa, nze Katonda wo
Eyakuggya mu nsi ya Misiri.+
Yasamya akamwa ko nkajjuze.+
11 Naye abantu bange tebaawuliriza ddoboozi lyange;
Isirayiri teyaŋŋondera.+
12 Kyennava mbaleka ne bagoberera emitima gyabwe emikakanyavu;
Baakola bo kye baalowooza nti kye kituufu.+
14 Nnandyanguye okuwangula abalabe baabwe;
Nnandirwanyisizza abo abatabaagala.+
15 Abo abatayagala Yakuwa balikankanira mu maaso ge olw’okutya,
Era ekibonerezo kyabwe kiriba kya* mirembe na mirembe.