Ebimu ku Bye Tuyiga mu Kigambo kya Katonda

Bayibuli erimu obubaka bwa Katonda eri abantu. Etulaga engeri gye tusobola okutambuzaamu obulamu bwaffe mu ngeri esanyusa Katonda. Era eddamu ebibuuzo bino wammanga:

1 Katonda y’ani?
2 Oyinza otya okuyiga ebikwata ku Katonda?
3 Ani yawandiika Bayibuli?
4 Bayibuli ntuufu bwe kituuka ku bya ssaayansi?
5 Bubaka ki obukulu obuli mu Bayibuli?
6 Kiki Bayibuli kye yalagula ku Masiya?
7 Bayibuli eyogera ki ku kiseera kyaffe?
8 Katonda y’aleetera abantu okubonaabona?
9 Lwaki abantu babonaabona?
10 Bisuubizo ki ebiri mu Bayibuli ebikwata ku biseera eby’omu maaso?
11 Kiki ekituuka ku muntu ng’afudde?
12 Ssuubi ki lye tulina erikwata ku bantu abaafa?
13 Bayibuli eyogera ki ku kukola?
14 Oyinza otya okukozesa obulungi ebintu by’olina?
15 Oyinza otya okufuna essanyu mu bulamu?
16 Oyinza otya okwaŋŋanga ebikweraliikiriza mu bulamu?
17 Bayibuli eyinza etya okuyamba amaka go?
18 Oyinza otya okusemberera Katonda?
19 Biki ebyogerwako mu bitabo bya Bayibuli ebitali bimu?
20 Oyinza otya okuganyulwa mu bujjuvu mu kusoma Bayibuli?

ENGERI Y’OKUZUULAMU EKYAWANDIIKIBWA MU BAYIBULI

Bayibuli erimu ebitabo 66. Erimu ebitundu bibiri: Ebyawandiikibwa eby’Olwebbulaniya n’Olulamayiki (“Endagaano Enkadde”) n’Ebyawandiikibwa eby’Oluyonaani (“Endagaano Empya”). Buli kitabo kya Bayibuli kirimu essuula n’ennyiriri. Ekyawandiikibwa bwe kijulizibwa, ennamba eddirira erinnya ly’ekitabo y’eba essuula, ate ennamba eddako oba ennamba eziddako ze ziba ennyiriri. Ng’ekyokulabirako, Olubereberye 1:1 kitegeeza Olubereberye essuula 1, olunyiriri 1.