Ngaˬ hui Gʼuiˬ sha Hkawˇ htaꞈ Hkʼaˬ hkʼe Na yuˬ Gʼa ve le

Gʼuiˬ sha ngaˬ hui htaꞈ tawˇ yaw laˇ tuˬ Liꞈ hpu htaꞈ cuˇ ve yoˬ. 2 Tiˆmoˉseˍ 3:16

Awˬ tehˬ ve Gʼuiˬ sha lehˬ, yawˇ ve dawˇ hkʼaˇ teˇ hpaˍ chaw yaˇ htaꞈ dawˇ pawnˍ piˇ leh daꞈ kehˬ ve liꞈ teˇ kʼoˆ hkʼaw bvuhꞈ keu tcuh ve yoˬ. Liꞈ oˇ ve teˇ kʼoˆ Liꞈ hpu yoˬ. Gʼuiˬ sha nawˬ htaꞈ shiˍ tcuh laˇ gaˇ ve a yeˇ uiˍ ve awˬ lawn Liꞈ hpu hkʼaw cawˬ ve yoˬ.

Ngaˬ hui awˬ pon aˬ htoꞈ ma teˇ ceuˬ daꞈ jaˇ ve htaꞈ Gʼuiˬ sha shiˍ ve yoˬ. Cuˇ yiˍ hkʼa peu˗eˬ yawˇ geh tawˆ la ve yoˬ. Gʼuiˬ sha hkawˇ htaꞈ na yuˬ ve kʼo, nawˬ awˬ tehˬ awˬ na cuˇ yiˍ cawˬ la tuˬ yoˬ.—Tawˇ naˉ ve 1:5.

Miˬ guiˬ hkʼoˆ chehˇ ve chaw teˇ gʼaˇ le le htaꞈ Gʼuiˬ sha Liꞈ hpu gʼaw tcuh gaˇ ve yoˬ. Chi teˇ hkui Liꞈ hpu lehˬ, laiˉ chaw ceuˬ tawˇ hkawˇ cawˬ ve yoˬ.

Nawˬ Gʼuiˬ sha hkawˇ htaꞈ na yuˬ gaˇ ve kʼo, nawˬ Liꞈ hpu htaꞈ gʼa gʼaw shiˍ ve yoˬ.

Hkʼaˬ ti chi ti lo chehˇ ve chaw na yuˬ chehˇ ve yoˬ. Maꞈhtehˍ 28:19

Nawˬ Liꞈ hpu shiˍ gʼa tuˬ, Yaˬhoˉvaˬ ve Shaˉhkiˆhkanˍ ve chaw ga laˇ gʼa ve yoˬ.

Miˬ guiˬ hkʼa peu˗eˬ hkʼoˆ Gʼuiˬ sha htaꞈ caˉ daꞈ ve awˬ tehˬ ve awˬ lawn yawˇ hui maˍ chehˇ ve yoˬ.

Nawˬ Liꞈ hpu shiˍ gʼa tuˬ, Yaˬhoˉvaˬ ve Shaˉhkiˆhkanˍ ve chaw ga laˇ gʼa ve yoˬ. Chi hkʼe te henˇ tuˬ nawˬ hpu peuˬ tuˬ maˇ loˍ. Leh nawˬ awˬ paˇ lo cawˬ ve Yaˬhoˉvaˬ ve Shaˉhkiˆhkanˍ ve chaw Hpawnˬ daꞈ kuiˬ Yehˬ lo Gʼuiˬ sha ve awˬ lawn kaꞈ henˇ gʼa ve yoˬ.