Awˬ lawn 9

Paˍraˍdiˇsuˆ Hkʼaˬ htaˆ Laˬ tuˬ le

Miˬ guiˬ hkʼoˆ dawˇ haˍ gaˇ haˍ ve awˬ ceuˬ htaꞈ pa taw maˇ maw kʼo, Gʼuiˬ sha ve mvuhˇ miˬ uˉ peunˍ la tuˬ yoˬ tehꞈ shiˍ ve yoˬ. Luˉkaꞈ 21:10, 11; 2 Tiˆmoˉseˍ 3:1-5

Awˬ leh meuˇ ve awˬ nyi awˬ haˉ teˇ hpaˍ awˬ hkʼaw lo haˍ jaˇ ve awˬ ceuˬ—maꞈ teh˗oˍ te ve, maꞈ te ve, naˬ beuˬ, meuꞈ ve kaˆ ve, awˬ pa awˬ e hkawˇ maˇ na ve, leh yehˬ kʼa hkʼaw yaꞈ daꞈ ve

Chi beuꞈ hpehꞈ la chehˇ ve awˬ ceuˬ laiˉ ceuˬ hpehꞈ la tuˬ yoˬ tehꞈ, Liꞈ hpu hkʼaw kʼoˆ taˍ ve yoˬ. Liꞈ hpu hkʼaw kʼoˆ ve, chaw teˇ hpaˍ lehˬ hpu htaꞈ haꞈ ve, awˬ pa awˬ e hkawˇ htaꞈ maˇ na ve, haiˬ jaˇ ve leh, pyawˍ ve awˬ ceuˬ htaꞈ haꞈ tuˬ yoˬ.

Miˬ hiˆ hehnˇ ve, maꞈ bawˆ daꞈ ve, meuꞈ ve kaˆ ve leh, naˬ beuˬ zuhˇ kʼai ve teˇ ceuˬ cawˬ tuˬ yoˬ. Awˬ ceuˬ chi teˇ hpaˍ chi teˇ hkui hpehꞈ la chehˇ ve yoˬ.

Yaˬhoˉvaˬ ve Shaˉhkiˆhkanˍ ve chaw teˇ gʼaˇ Gʼuiˬ sha ve mvuhˇ miˬ awˬ lawn hawˉ hkʼaˆ teˇ gʼaˇ htaꞈ hto maˍ piˇ ve

Yeˍsuˆ kʼoˆ ve Gʼuiˬ sha ve mvuhˇ miˬ awˬ lawn kaꞈ miˬ guiˬ hkʼoˆ hto zuhˇ kʼai tuˬ yoˬ.—Maꞈhtehˍ 24:14.

Gʼuiˬ sha ve mvuhˇ miˬ haiˬ ve awˬ ceuˬ hkʼa peu˗eˬ htaꞈ yuˬ baˬ tuˬ yoˬ. 2 Peˍtruˆ 3:13

Aˍmaˍgeˍdonˍ maꞈ hkʼaw lo haiˬ ve chaw htaꞈ te luˬ piˇ ve, peuˬ leh Saˍtanˍ leh neˇ teˇ hpaˍ htaꞈ ciˍ yanˍ piˇ ve

Maˇ maw maw, haiˬ ve chaw htaꞈ Yaˬhoˉvaˬ te luˬ peuˬ tuˬ yoˬ.

Saˍtanˍ leh neˇ hui ciˍ yanˍ ve htaꞈ gʼa hkanˍ tuˬ yoˬ.

Mvuhˇ naw ma hkʼoˆ lo Yeˍsuˆ yawˇ ve kʼa jaw hkʼoˆ lo mui taˍ leh chaw teˇ chaw ceuˬ le le ha lehˬ ve

Gʼuiˬ sha hkawˇ htaꞈ hkʼa na yuˬ ve chaw gʼa ponˬ leh, hteˇ ve cawˇ ve chaw miˬ guiˬ suhˉ hkʼaw gʼa chehˇ tuˬ yoˬ. Oˇ kaˬ lo kawˆ tuˬ maˇ kʼawꞈ cawˬ. Teˇ gʼaˇ leh teˇ gʼaˇ yonˍ gʼa daꞈ leh haꞈ daꞈ tuˬ yoˬ.