Nawˬ Yehˬ kʼa Hkʼaˬ hkʼe Dawˇ sha Gʼa ve le

Nawˬ yehˬ kʼa dawˇ sha tuˬ haꞈ pehnˇ ve teˇ ceuˬ loˍ jaˇ ve yoˬ. Eˇfeˇsuꞈ 5:33

Gʼuiˬ sha ve awˬ liˇ tawˇ hkawˇ hkʼaw hawˉ hkʼaˆ leh yaˇ miˇ awˬ hpawˇ awˬ miˇ ma teˇ gʼaˇ tiˉ heuˆ cawˇ ve yoˬ.

Haꞈ puiˉ ve awˬ hpawˇ yawˇ awˬ miˇ ma ve awˬ lawn htaꞈ dawˇ nyi piˇ puiˉ ve awˬ hkʼaw lo yawˇ htaꞈ nuˇ lehˍ te piˇ ve yoˬ.

Awˬ miˇ ma yawˇ awˬ hpawˇ htaꞈ gʼa ga piˇ cawˇ ve yoˬ.

Yaˇ teˇ hpaˍ yawˇ ve awˬ pa awˬ e hkawˇ htaꞈ na yuˬ cawˇ ve yoˬ.

Nyi ma daꞈ ve leh ka tiꞈ yeˬ loˬ. Nyi ma maˇ daꞈ leh ka tiꞈ maˇ yeˬ ve taˇ te. Kawˇlawˇsehˇ 3:5, 8-10

Gʼuiˬ sha ve Tawˇ hkawˇ hkʼaw kʼoˆ ve, awˬ hpawˇ lehˬ a shu yawˇ awˬ to htaꞈ haꞈ ve hkʼe awˬ miˇ ma htaꞈ haꞈ cawˇ ve yoˬ. Awˬ miˇ ma htawˇ, a shu yawˇ ve awˬ hpawˇ htaꞈ nyi ma awˬ tawˬ hkʼa gaˬ yawˆ yan cawˇ ve yoˬ.

Awˬ hpawˇ awˬ miˇ ma maˇ heˆ ve geh zuhꞈ ve kʼo yaꞈ ve yoˬ. Teˇ gʼaˇ awˬ hkʼoˆ heuˆ maˇ hpehꞈ.

Yehˬ kʼa hkʼaw dawˇ sha ve awˬ hkʼaˇ Yaˬhoˉvaˬ ve Tawˇ hkawˇ maˍ laˇ ve yoˬ.