Aˬ htoꞈ ma te daꞈ kehˬ ve oˉ k’oˍ pui ve nawˬ awˬ pon awˬ hpfuhˇ hk’aˆ jaˇ ve le?

Daꞈ kehˬ ve oˉ k’oˍ pui ve gu te ve tehꞈ leuˉ taˍ ve Yuˇdaꞈ chaw dawˇ lawˬ kuiˬ cawˬ tuˬ, Yeˍsaˍkeˍlaˆ awˬ han mawˬ ve bon yehˬ yawˇ hui htaꞈ awˬ g’aˇ piˇ ve yoˬ. Awˬ leh meuˇ ve awˬ yanˇ chi, daꞈ kehˬ ve oˉ k’oˍ pui ve lehˬ, “shu aꞈ kehˉ mvuh jaˇ ve hk’aw pui hpehꞈ la tuˬ yoˬ.” (Isy 2:2) Nawˬ Yaˬhoˉvaˬ htaꞈ shiˍ daꞈ leh yawˇ ve kanˉ te ve lehˬ awˬ hpfuhˇ hk’aˆ jaˇ tehꞈ, nawˬ hk’aˬ htaˆ kaꞈ dawˇ chehˇ ve laˇ?

Daꞈ kehˬ ve oˉ k’oˍ pui ve lehˬ aˬ htoꞈ ma awˬ bon g’a tuˬ le?

• 

  Co ha hpawˇ ve caˉ tuˬ dawˬ tuˬ cawˬ maˇ jaˇ ve pa taw, ngaˬ hui a shaꞈ teꞈ kuiˬ a yeˇ uiˍ ve awˬ lawn shiˍ g’a ve, daꞈ ve beˆ maˍ laˇ hkawˇ g’a ve, leh dawˇ law kuiˬ cawˬ g’a ve yoˬ.—Isy 48:17, 18; 65:13; Roˉ 15:4

• Miˬ guiˬ hk’a peu-eˬ hk’oˆ lo awˬ viˉ awˬ nyi haꞈ daꞈ puiˉ ve awˬ moˍ cawˬ ve yoˬ.—Chiˇ 133:1; Yoˇ 13:35

• Ngaˬ hui G’uiˬ sha geh teˇ geh kanˉ te g’a ve yoˬ.—Tcuh 20:35; 1 Kawˇ 3:9

• Ngaˬ hui beˬ ve lawˇ ve g’a hpuˇ htaˇ, “G’uiˬ sha lo laˬ ve . . . dawˇ sha gaˇ sha ve” ngaˬ huiˬ htaꞈ awˬ g’aˇ peꞈ laˇ ve yoˬ.—Hpi 4:6, 7

• Daꞈ ve kehˬ ve shiˍ puiˉ ve nyi ma cawˬ g’a ve yoˬ.—2 Tiˆ 1:3

• G’uiˬ sha ve “awˬ chawˇ” hpehꞈ la g’a ve yoˬ.—Chiˇ 25:14

Daꞈ kehˬ ve oˉ k’oˍ pui ve awˬ hpfuhˇ hk’aˆ ve tehꞈ shawˍ ve k’o, ngaˬ hk’aˬ hk’e te cawˇ ve le?