Ngaˬ hui G’uiˬ sha ve kanˉ te cheuˬ la ve awˬ hk’aˇ Ngaˬ hui teˇ g’aˇ le le hto toˇ kuiˬ awˬ ti hk’aw chehˇ ve htaꞈ caˉ daꞈ sheˍ

Aˬ htoꞈ ma te a yeˇ uiˍ ve le?: Tcuh kaˍ paˍ Zaˍhkaˍriˆ k’oˆ ve, teˇ chaw ceuˬ le le ha lehˬ ve awˬ hk’aw lo daꞈ ve awˬ lawn sha tanˇ haꞈ yuˬ tuˬ yoˬ. (Zaˍ 8:23) Yaꞈ hk’aˇ, yawˇ hui htaꞈ a shu maˍ piˇ tuˬ le? (Roˉ 10:13-15) Ngaˬ hui teˇ g’aˇ le le daꞈ ve awˬ lawn sha tanˇ htaꞈ maˍ piˇ tuˬ, awˬ meꞈ awˬ hponˇ leh awˬ vuiˬ cawˬ ve yoˬ.—od 84 ¶10-11.

Ngaˬ hui hk’aˬ hk’e te tuˬ le?

• Gu hehnˇ taˍ ve. Awˬ kaˍ awˬ nu tawˇ hkawˇ yehˇ ve chaw ceuˬ nawˬ hto toˇ kuiˬ lo cawˬ-aw laˇ? Yawˇ hui ve tawˇ hkawˇ hk’a sha sha-ehˬ yaw g’a tuˬ, JW Language ehˆ yehˇ g’a ve yoˬ. Maˇ heˆ leh, nawˬ ve tawˇ yaw tuˬ awˬ hk’eun yehˇ leh, yawˇ ve tawˇ hkawˇ jw.org hk’aw hpfuhˇ leh maˍ piˇ g’a ve yoˬ.

• G’a chaˬ nyi puiˉ ve. Nawˬ teˇ yehˬ peuˬ teˇ yehˬ hto toˇ htaˇ, te toˇ chehˇ ve chaw leh kaˇ hk’aw mui taˍ ve chaw htaꞈ kaꞈ maˍ piˇ sheˍ. Nawˬ chaw guiˇ kuiˬ lo hto toˇ chehˇ ve k’o, kanˉ chi htaꞈ a yeˇ hk’a dehꞈ te sheˍ.

• Kaiˬ ve. Awˉ lawˉ nawˬ hto toˇ ve awˬ hk’aw lo maˇ maw ve chaw htaꞈ teˇ pawˆ ca k’awꞈ guiˇ-e sheˍ. Ngaˬ hui coˇ caˇ leh teˇ yehˬ le le chaw teˇ g’aˇ geh yaw daꞈ-o. Awˬ hk’awꞈ nawˉ teˇ yanˇ ca k’awꞈ guiˇ la hpehꞈ ve yoˬ. Yehˬ shehˍ hpaˇ teˇ hpaˍ hpaˍ htaꞈ caˉ daꞈ g’a tuˬ, liꞈ g’a bvuhꞈ piˇ ve, tawˇ yaw tuˬ awˬ hk’eun g’a yehˇ ve, maˇ heˆ k’o yaꞈ k’aw k’aˉ lo g’a ca mawˬ daꞈ ve yoˬ.

• Hk’a dehꞈ te ve. Nyi ma pfuhˇ ve chaw htaꞈ laꞈ haˉ k’oꞈ-e leh ca k’awꞈ guiˇ-e piˇ sheˍ. Yaꞈ hk’aˇ yawˇ awˬ nu ve chaw ceuˬ tawˇ hkawˇ yaw ve k’o, tawˇ hkawˇ oˇ ve htaꞈ yaw ve awˬ viˉ awˬ nyi ca leh shiˍ daꞈ piˇ sheˍ. Hto toˇ ve chaw yawˇ ve tawˇ hkawˇ htaꞈ mawˬ htaˇ hk’a gaˬ-e, nawˬ yawˇ htaꞈ hk’aˬ htaˆ kaꞈ caˉ daꞈ sheˍ.—od 94 ¶39-40.

“Mvuhˇ leh miˬ leh hk’a gaˬ” hto toˇ k’ai sheˍ VDO nyi peuˬ leh, na hkawˇ chi teˇ hpaˍ hk’awꞈ laˇ she:

• 

  Vuiˇ kuiˬ lo chehˇ ve chaw htaꞈ caˉ daꞈ g’a tuˬ, awˬ viˉ awˬ nyi hk’aˬ hk’e te gu teh ve le? (1 Kawˇ 9:22, 23)

• 

  Yawˇ hui haˍ ve awˬ ceuˬ aˬ htoꞈ ma g’a hpuˇ ve le?

• 

  Yawˇ hui awˬ bon aˬ htoꞈ ma g’a ve le?

• Nawˬ hui coˇ caˇ leh hto toˇ kuiˬ awˬ ti hk’aw chehˇ ve chaw htaꞈ hk’aˬ hk’e te hk’a dehꞈ caˉ daꞈ g’a tuˬ le?