Awˬ tehˬ haꞈ ve lehˬ aˬ htoꞈ ma le?

Yaˬhoˉvaˬ lehˬ heuˆ daꞈ ve teˇ ceuˬ htaꞈ hawˉ hk’aˆ leh yaˇ miˇ teˇ co-e caˉ daꞈ piˇ taˍ ve yoˬ. (Awˬ 2:22-24) Baˬ daꞈ g’a ve teˇ ceuˬ lehˬ haˉ chawˇ haˉ paˆ te ve awˬ hk’aw lo ceh tiˉ baˬ g’a ve yoˬ. (Ml 2:16; Maꞈ 19:9) Yaˬhoˉvaˬ lehˬ heuˆ daꞈ ve teˇ ceuˬ ha lehˬ tcuh gaˇ ve pa taw, Hkriꞈ yaˇ yehˬ k’a ca ve teˇ yanˇ leh heuˆ daꞈ peuˬ hk’awꞈ nawˉ ha lehˬ tuˬ htaꞈ haꞈ shaˉ g’a ve, yawˇ cuˇ yiˍ cawˬ ve hk’aw awˬ liˇ awˬ hk’aˇ teh taˍ laˇ ve yoˬ.—Cuˇ 5:4-6.

Awˬ tehˬ haꞈ ve lehˬ aˬ htoꞈ ma le? VDO nyi leh na hkawˇ chi teˇ hpaˍ hk’awꞈ laˇ sheˍ:

• 

  Fehnˉ leh Bawˇniˬ beˆ maˍ hkawˇ Liˆ htaꞈ piˇ ve aˬ htoꞈ ma te cuˇ yiˍ cawˬ leh haꞈ ve teˇ ceuˬ hpehꞈ ve le?

• Nawˬ maˆ chehˇ ve chaw htaꞈ pa g’a-o tehꞈ dawˇ ve lehˬ, aˬ htoꞈ ma te cuˇ yiˍ maˇ cawˬ ve le?

• Pawˇluꞈ leh Aˍkuˉlaˆ Liˆ htaꞈ beˆ maˍ piˇ ve lehˬ aˬ htoꞈ ma te cuˇ yiˍ cawˬ ve le?

• 

  Zehˆ leh Mehˇgehnˬ heuˆ daꞈ peuˬ hk’awꞈ nawˉ, aˬ htoꞈ ma te shoꞈ shaꞈ ve awˬ lawn cawˬ maˇ la ve le?

• 

  Yoˇhanˬ leh Liˆ co ha hpawˇ ve kanˉ aˬ htoꞈ ma te gaˇ ve le?

• Maˇ heuˆ daꞈ sheˍ htaˇ, aˬ htoꞈ ma te yawˇ ve “awˬ hk’aw hpawˇ awˬ hkiˇ shawˍ ve” htaꞈ g’a shiˍ cawˇ ve le? (1 Peˍ 3:4)

• Awˬ tehˬ haꞈ ve lehˬ aˬ htoꞈ ma le? (1 Kawˇ 13:4-8)