“Nawˬ pa nawˬ e htaꞈ yawˆ yawˆ yan yan te˗o”

Yeˍsuˆ miˬ guiˬ hkʼoˆ chehˇ htaˇ, “nawˬ pa nawˬ e htaꞈ yawˆ yawˆ yan yan te˗o” tehꞈ tawˇ peꞈ laˇ ve yoˬ. (Tawˆ 20:12; Maꞈ 15:4) Yeˍsuˆ chi hkʼe ve awˬ tehˬ awˬ na kʼoˆ gʼa ve yoˬ. Awˬ lawn kʼo, yawˇ yaˇ nehˬ htaˇ awˬ pa awˬ e hkawˇ “hkʼa dehꞈ na yuˬ” ve yoˬ. (Luˉ 2:51) A shaꞈ maˇ la htaˇ, yawˇ suh˗e hkʼawꞈ nawˉ shu yawˇ ve awˬ e htaꞈ nyi haꞈ shaˉ tuˬ lawˬ ve yoˬ.—Yoˇ 19:26, 27.

Ngaˬ hui teˇ co˗e, Hkriꞈ yaˇ yaˇ nehˬ teˇ hpaˍ awˬ pa awˬ e hkawˇ na yuˬ leh taˍ uiˍ ve hkʼaw tawˇ yaw piˇ ve kʼo, yawˇ ve awˬ pa awˬ e htaꞈ yawˆ yan piˇ ve yoˬ. Awˬ tehˬ kʼo, awˬ pa awˬ e htaꞈ yawˆ yan ve tawˇ hkawˇ chi lehˬ hkʼaˬ htaˆ kaꞈ te cawˇ ve yoˬ. Ngaˬ hui awˬ pa awˬ e mawˇ la˗o ve htawˇ, yawˇ hui htaꞈ yawˆ yan piˇ tuˬ yawˇ hui htaꞈ na yuˬ leh henˇ yuˬ gʼa ve yoˬ. (Tawˇ 23:22) Ngaˬ hui ve awˬ pa awˬ e a shaꞈ mawˇ˗o ve htaꞈ yawˆ yan piˇ tuˬ, awˬ suhˍ awˬ shaˍ hpawˇ leh hpu shi hpawˇ yawˇ hui loˍ hkʼe ga piˇ gʼa ve yoˬ. (1Tiˆ 5:8) Ngaˬ hui a shaꞈ i ve leh maˇ ve htawˇ maˇ kʼoˆ, awˬ pa awˬ e htaꞈ tawˇ hkʼa dehꞈ yaw piˇ ve lehˬ yawˇ hui htaꞈ yawˆ yan ve a yeˇ uiˍ ve awˬ hkʼaˇ hpehꞈ ve yoˬ.

Ngaˬ awˬ pa awˬ e htaꞈ hkʼaˬ hkʼe te yaw daꞈ gʼa tuˬ le? VDO nyi leh na hkawˇ chi teˇ hpaˍ hkʼawꞈ laˇ sheˍ:

• Aˬ htoꞈ ma te nawˬ awˬ pa awˬ e geh yaw daꞈ tuˬ ha jaˇ tehꞈ dawˇ ve le?

• Awˬ pa awˬ e geh yaw daꞈ htaˇ yawˆ yan piˇ ve tehꞈ nawˬ hkʼaˬ hkʼe te gʼa ve le?

  

• Aˬ htoꞈ ma te awˬ pa awˬ e geh yaw daꞈ ve awˬ hpfuhˇ hkʼawꞈ jaˇ ve le? (Tawˇ 15:22)