Hkriꞈ yaˇ ve a shaꞈ teꞈ hkʼaˇ
Hkriꞈ hkʼa shuˍ nyi ma nuˇ nehˬ ve htaꞈ henˇ yuˬ˗oꞈ
Yeˍsuˆ lehˬ uiˍ jaˇ mvuh jaˇ ve chaw miˬ guiˬ hkʼoˆ a shaꞈ teꞈ jaw ve htawˇ, yawˇ nyi ma nuˇ nehˬ te leh Yaˬhoˉvaˬ htaꞈ awˬ meꞈ awˬ hponˇ gʼa piˇ lawˬ ve yoˬ. (Yoˇ 7:16-18) Yeˍsuˆ lehˬ Saˍtanˍ htaꞈ maˇ shuˍ daꞈ. Saˍtanˍ Neˇhaiˬ hpehꞈ la ve yoˬ. Chi kʼoˆ gaˇ ve lehˬ yawˇ “maˇ shawˍ maˇ caˆ” kʼoˆ shehˍ hpaˇ hpehꞈ ve yoˬ. (Yoˇ 8:44) Saˍtanˍ ve awˬ liˇ awˬ hkʼaˇ lehˬ caˆ muiˬ puiˉ ve Hpaˍriˍsehˇ hkʼaw cawˬ ve yoˬ. Yawˇ hui Meˍsiˉyaꞈ yonˍ ve chaw htaꞈ nyi cha ve yoˬ. (Yoˇ 7:45-49) Hkriꞈ yaˇ awˬ moˍ hkʼaw ve awˬ vuiˬ leh awˬ kaˍ awˬ nu ve awˬ vuiˬ gʼa htaˇ, ngaˬ hui Yeˍsuˆ htaꞈ hkʼaˬ hkʼe te henˇ yuˬ gʼa ve le?
“Nawˬ hui teˇ gʼaˇ leh teˇ gʼaˇ haꞈ daꞈ˗oꞈ”—Hkawehˉ ve leh caˆ muiˬ puiˉ ve htaꞈ jaw kʼai sheˍ VDO awˬ tawn 1 nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Aˬleˆ caˆ muiˬ puiˉ ve hkʼaˬ hkʼe te ve le?
“Nawˬ hui teˇ gʼaˇ leh teˇ gʼaˇ haꞈ daꞈ˗oꞈ”—Hkawehˉ ve leh caˆ muiˬ puiˉ ve htaꞈ jaw kʼai sheˍ VDO awˬ tawn 2 nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Aˬleˆ nyi ma nuˇ nehˬ ve hkʼaˬ hkʼe te ve le?
Biˍ leh Hkaˍ htaꞈ awˬ gʼaˇ piˇ tuˬ, Aˬleˆ hkʼaˬ hkʼe te ve le?
“Nawˬ hui teˇ gʼaˇ leh teˇ gʼaˇ haꞈ daꞈ˗oꞈ”—Nyi ma uiˍ ve leh maˇ shawˍ maˇ caˆ ve tawˇ htaꞈ jaw kʼai sheˍ VDO awˬ tawn 1 nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Awˬ viˉ awˬ nyi Haˍriˆ nyi ma uiˍ ve hkʼaˬ hkʼe te ve le?
“Nawˬ hui teˇ gʼaˇ leh teˇ gʼaˇ haꞈ daꞈ˗oꞈ”—Nyi ma uiˍ ve leh maˇ shawˍ maˇ caˆ ve tawˇ htaꞈ jaw kʼai sheˍ VDO awˬ tawn 2 nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Awˬ viˉ awˬ nyi Haˍriˆ nyi ma nuˇ nehˬ ve hkʼaˬ hkʼe te ve le?
Awˬ viˉ awˬ nyi Haˍriˆ ve awˬ lawn Fehˍ htaꞈ hkʼaˬ hkʼe maˍ piˇ gʼa ve le?