Ngaˬ hui Gʼuiˬ sha ve kanˉ te cheuˬ la ve awˬ hkʼaˇ—Co ha hpawˇ lo maˇ uiˍ la ve Liꞈ hpu henˇ ve chaw geh Liꞈ hpu maˍ piˇ tuˬ jehˇ ve

Aˬ htoꞈ ma te a yeˇ uiˍ ve le?: A shaꞈ ponˬ gʼa tuˬ chaw yaˇ lehˬ Yaˬhoˉvaˬ ve awˬ meh gʼa kuˬ ve yoˬ. (Roˉ 10:13, 14) Yaꞈ hkʼaˇ, Liꞈ hpu henˇ ve chaw teˇ gʼaˇ le le Yaˬhoˉvaˬ ve awˬ liˇ htaꞈ gʼaꞈ te tuˬ ve maˇ heˆ. Yaˬhoˉvaˬ nyi hkʼaˇ suh tuˬ te gaˇ ve chaw htaꞈ ga piˇ tuˬ, ngaˬ hui teˇ gʼaˇ le le awˬ yanˇ yehˇ leh te gʼa ve hkʼe te ve yoˬ. Liꞈ hpu henˇ ve chaw geh maˍ piˇ ve teˇ yanˇ gaˬ˗o leh yawˇ co ha hpawˇ lo maˇ uiˍ la sheˍ ve kʼo, Yaˬhoˉvaˬ leh yawˇ ve kanˉ hkʼaˇ htaꞈ yawˇ gʼaw veu laˇ ve chaw geh ngaˬ hui maˍ piˇ tuˬ awˬ yanˇ yehˇ ve aꞈ kehˉ daꞈ ve yoˬ. (Yoˇ 6:44) Yaꞈ hkʼaˇ, awˬ gʼuˇ suh hpawˇ Liꞈ hpu henˇ ve chaw awˬ to pa leh awˬ tehˬ awˬ na haꞈ yuˬ gaˇ tuˬ ngaˬ hui htaꞈ hpeuꞈ maw laˇ ve kʼo, ngaˬ hui ha lehˬ ha kʼa yawˇ geh kʼawꞈ kʼai leh ca maˍ piˇ gʼa ve yoˬ.—Tcuh 13:48

Ngaˬ hui hkʼaˬ hkʼe te tuˬ le?:

• Liꞈ hpu henˇ ve chaw awˬ tehˬ awˬ na henˇ gaˇ ve htaꞈ chiˇ mvuh piˇ sheˍ.—1Tiˆ 2:4

• Henˇ ve awˬ lawn htaꞈ gʼaꞈ te tuˬ a yeˇ uiˍ jaˇ tehꞈ yawˇ hui htaꞈ kʼoˆ piˇ sheˍ.—Luˉ 6:46-49

• Nyi ma nuˇ nehˬ te leh awˬ yawˇ sheˍ ve chaw Yeˍsuˆ tehˆ maˍ laˇ ve awˬ lawn hkʼaw kʼoˆ maˍ piˇ sheˍ. Henˇ ve awˬ lawn htaꞈ gʼaꞈ te tuˬ aˬ htoꞈ ma tawˍ laˇ ve tehꞈ na piˇ sheˍ.—Maꞈ 13:18-23

• Aˬ htoꞈ ma pa taw nawˬ yawˇ geh Liꞈ hpu maˍ piˇ ve jehˇ tuˬ kʼoˆ piˇ sheˍ.

• Nawˬ yawˇ geh teˇ pawˆ pawˆ kʼawꞈ la leh awˬ gʼaˇ ca piˇ la ve tehꞈ kʼoˆ piˇ sheˍ. Liꞈ hpu teˇ pawˆ kʼawꞈ henˇ gʼa tuˬ, yawˇ awˬ to pa leh henˇ gaˇ ve hpeuꞈ maw laˇ ve kʼo awˬ gʼuˇ suhˍ teˇ pawˆ kʼawꞈ henˇ gʼa ve tehꞈ kʼoˆ piˇ sheˍ.

VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Liꞈ hpu henˇ ve chaw co ha hpawˇ lo maˇ uiˍ la ve VDO hkʼaw ngaˬ hui htaꞈ hkʼaˬ hkʼe kʼoˆ maˍ laˇ ve le?

• Liꞈ hpu henˇ ve chaw awˬ to gʼa pa ve tehꞈ Liꞈ hpu maˍ ve chaw hkʼaˬ hkʼe ga piˇ gʼa ve le?

• Awˬ gʼuˇ suhˍ hpawˇ Liꞈ hpu teˇ pawˆ kʼawꞈ henˇ gʼa ve tehꞈ, Liꞈ hpu maˍ ve chaw Liꞈ hpu henˇ ve chaw htaꞈ hkʼaˬ hkʼe te maˍ piˇ ve le?