Hkriꞈ yaˇ ve a shaꞈ teꞈ hkʼaˇ
Pyawˍ ve awˬ ceuˬ leuˆ tuˬ cuˇ yiˍ cawˬ ve hkʼaw leuˆ sheˍ
Ngaˬ hui pyawˍ ve awˬ ceuˬ leuˆ htaˇ aˬ htoꞈ ma pa taw cuˇ yiˍ cawˬ ve hkʼaw leuˆ cawˇ ve le? Awˬ lawn kʼo, awˬ han nyi ve, liꞈ hkawˇ na ve, vehˆ˗saiˉ lo˗eꞈ ve, liꞈ gʼaw ve, leˍ guiˇ tuˬ (games) chi teˇ hpaˍ ngaˬ hui ve nyi ma dawˇ hkʼaˇ hkʼaw loꞈ˗e tuˬ leuˆ chehˇ ve yoˬ. Ngaˬ hui leuˆ ve awˬ ceuˬ lehˬ ngaˬ hui te hkʼaˇ dawˇ hkʼaˇ htaꞈ heuˆ la kuiˬ cawˬ ve yoˬ. Yaꞈ hkʼaˇ, Yaˬhoˉvaˬ canˇ ve pyawˍ ve awˬ ceuˬ lehˬ chi beuꞈ teˇ co˗e cawˬ maˇ jaˇ ve yoˬ. (Chiˇ 11:5; Gaˍ 5:19-21) Chi htaꞈ pa taw, Yaˬhoˉvaˬ htaꞈ chiˇ mvuh piˇ ve awˬ ceuˬ te tuˬ, Liꞈ hpu ngaˬ hui htaꞈ awˬ gʼaˇ peꞈ laˇ ve yoˬ.—Hpi 4:8
Ngaˬ pyawˍ ve awˬ ceuˬ hkʼaˬ hkʼe ve htaꞈ leuˆ tuˬ le? VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Roˉmaꞈ ve teˇ co˗e vaˇ daꞈ ve leh chi beuꞈ teˇ co˗e ve pyawˍ ve awˬ ceuˬ teˇ hpaˍ htaꞈ hkʼaˬ hkʼe te shuˍ ve le?
Yaˇ nehˬ hui pyawˍ ve awˬ ceuˬ cuˇ yiˍ cawˬ ve hkʼaw leuˆ gʼa tuˬ, awˬ viˉ awˬ nyi htaꞈ hkʼaˬ hkʼe ga piˇ gʼa ve le?
Pyawˍ ve awˬ ceuˬ leuˆ htaˇ, Roˉmaꞈ liꞈ 12:9 hkʼaw hkʼaˬ hkʼe ga laˇ gʼa ve le?
Daꞈ ve pyawˍ ve awˬ ceuˬ aˬ htoꞈ ma cawˬ ve le? Kʼoˆ maˍ laˇ sheˍ.