“Awˬ lawn oˇ ve teˇ hpaˍ htaꞈ dawˇ nyi˗o”

Aˬ htoꞈ ma dawˇ nyi cawˇ ve le? Hpiˇliˇpiˆ liꞈ 4:8 hkʼaw kʼoˆ ve, hteˇ ve awˬ ceuˬ, yawˆ yan keunˍ ve, cawˇ ve, daꞈ ve kehˬ ve, nyi sha ve, shu ve awˬ lawn daꞈ ve awˬ ceuˬ, chi teˇ hpaˍ yoˬ. Kʼoˆ gaˇ ve lehˬ, Hkriꞈ yaˇ hkʼaˬ htaˆ kaꞈ Liꞈ hpu awˬ lawn tiˉ gʼa dawˇ nyi ve maˇ heˆ. Yaꞈ hkʼaˇ, ngaˬ hui dawˇ nyi ve awˬ ceuˬ lehˬ Gʼuiˬ sha nyi hkʼaˇ suh tuˬ gʼa te piˇ ve yoˬ. Gʼuiˬ sha geh ka tiꞈ yeˬ gʼa tuˬ haˍ ve te laˇ ve maˇ heˆ.—Chiˇ 19:14.

Maˇ daꞈ ve dawˇ hkʼaˇ htaꞈ jaw kʼai ve lehˬ maˇ sha ve yoˬ hehˉ. Awˬ lawn kʼo, ngaˬ hui maˇ biˇ ve htaꞈ gʼa tawˍ daꞈ leh “chi miˬ guiˬ ve gʼuiˬ sha” Saˍtanˍ htaꞈ kaꞈ gʼa tawˍ daꞈ ve yoˬ. (2 Kawˇ 4:4) Miˬ guiˬ hkʼoˆ cawˬ ve awˬ ceuˬ Saˍtanˍ uˉ peunˍ ve htaꞈ pa taw, TV, Ri˗di˗o, In˗teu˗neꞈ, liꞈ kʼoˆ teˇ hpaˍ hkʼaw maˇ daꞈ ve cawˬ ve yoˬ. Chi htaꞈ pa taw, nga hui hkʼa dehꞈ maˇ leuˆ ve kʼo, ngaˬ hui ve te hkʼaˇ dawˇ hkʼaˇ htaꞈ heuˆ la kuiˬ cawˬ ve yoˬ.—Yaˍ 1:14, 15.

Ka tiꞈ yeˬ ve teˇ ceuˬ a yehˉ yehˉ mehˉ kʼai tuˬ htaꞈ jaw kʼai sheˍ—Maˇ keunˍ ve pyawˍ ve awˬ ceuˬ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Awˬ viˉ awˬ nyi hawˉ hkʼaˆ teˇ gʼaˇ tawˇ yaw tuˬ awˬ hkʼeun hkʼaw aˬ htoꞈ ma nyi ve le? Yawˇ htaꞈ hkʼaˬ hkʼe heuˆ la kuiˬ cawˬ ve le?

• 

  Gaˍlaˍtiˆ liꞈ 6:7, 8 leh Chiˇ mvuh ve liꞈ 119:37 yawˇ htaꞈ hkʼaˬ hkʼe te ga piˇ ve le?