Yaˬhoˉvaˬ daꞈ kehˬ ve chaw htaꞈ haꞈ ve

Awˬ pa awˬ e laiˉ gʼaˇ kʼo yaˇ htaꞈ daꞈ kehˬ tuˬ te˗oꞈ tehꞈ maˍ piˇ ve yoˬ. Awˬ pa awˬ e chi hkʼe kʼoˆ ve hehˉ, “laꞈ sheh tsuhˇ˗e, mawˇ hkʼa dehꞈ gʼawˆ gu, yehˬ shaw suhˆ, mawˇ chaꞈ mawˇ chiˆ gʼawˆ baˬ˗e.” Awˬ tehˬ kʼo, daꞈ kehˬ ve awˬ liˇ lehˬ Yaˬhoˉvaˬ geh laˬ ve yoˬ. Yawˇ lehˬ daꞈ kehˬ jaˇ ve Gʼuiˬ sha hpehꞈ ve yoˬ. (Tawˆ 30:18-20; Bon 23:14; 2 Kawˇ 7:1) Ngaˬ hui awˬ suhˍ awˬ shaˍ hpawˇ leh mawˇ yehˇ hkʼeun htaꞈ daꞈ kehˬ tuˬ te ve kʼo, Yaˬhoˉvaˬ htaꞈ chiˇ mvuh piˇ chehˇ ve yoˬ. (1 Peˍ 1:14-16) Hkʼe kʼo yehˬ awˬ hkʼaw lo leh yehˬ awˬ paˇ awˬ kuiˬ lo˗ehꞈ? Laiˉ gaˇ kʼo yaꞈ kʼaw hpuiˇ lo leh chaw guiˇ kuiˬ lo mawˇ gʼawˆ baˬ ve yoˬ. Yaꞈ hkʼaˇ, Hkriꞈ yaˇ lehˬ miˬ guiˬ chi daꞈ kehˬ tuˬ hkʼa dehꞈ haꞈ shaˉ ve yoˬ. (Chiˇ 115:16; Hpeuꞈ 11:18) Daꞈ kehˬ ve htaꞈ haꞈ shaˉ tuˬ a yeˇ maˇ uiˍ ve htawˇ, ngaˬ hui ve dawˇ hkʼaˇ hkʼaˬ hkʼe cawˬ ve hpeuꞈ maw laˇ ve yoˬ. Tawˇ pa haˉ te kʼo, hkehˉ diˍ shiˍ leh hkaoˍ monˇ awˬ guiˬ kʼuˉ, iˉ kaˆ bawˆ ngaˬ hui hkʼa dehꞈ gʼawˆ baˬ ve yoˬ. Ngaˬ hui ve a shaꞈ hkʼaw teˇ hpawˇ le le lo “Gʼuiˬ sha ve kanˉ te paˍ hpehꞈ ve” htaꞈ shu shiˍ tuˬ te gaˇ ve yoˬ.—2 Kawˇ 6:3, 4.

Gʼuiˬ sha daꞈ kehˬ ve chaw htaꞈ haꞈ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Daꞈ kehˬ tuˬ maˇ te tuˬ teˇ gʼaˇ gʼaˇ hkʼaˬ hkʼe kʼoˆ ve le?

• Yaˬhoˉvaˬ daꞈ kehˬ ve hpawˇ dawˇ cawˇ ve Moˉseˍ ve awˬ liˇ tawˇ hkawˇ hkʼaw hkʼaˬ hkʼe hpeuꞈ maw laˇ ve le?

• Ngaˬ hui te ve awˬ ceuˬ Yaˬhoˉvaˬ chiˇ mvuh hkawˇ gʼa tuˬ hkʼaˬ hkʼe te piˇ ve le?