Nawˬ Gʼuiˬ sha ve tawˇ hkawˇ htaꞈ awˬ hpfuhˇ hkʼaˬ hkʼe tawn shiˍ ve le?

Liꞈ hpu hkʼaw Yaˬhoˉvaˬ Gʼuiˬ sha ve dawˇ hkʼaˇ leh tawˇ hkawˇ cawˬ ve yoˬ. Yawˇ lehˬ Liꞈ hpu awˬ shehˍ hpaˇ hpehꞈ ve yoˬ. (2 Peˍ 1:20, 21) Liꞈ hpu hkʼaw kʼoˆ ve, Yaˬhoˉvaˬ lehˬ uˉ peunˍ tuˬ a hkaw˗anˬ cawˬ ve yoˬ. Yawˇ ve mvuhˇ miˬ uˉ peunˍ htaˇ awˬ lawn chi awˬ tehˬ hpehꞈ la tuˬ yoˬ. Chi lehˬ ngaˬ hui teˇ gʼaˇ le le ve a shaꞈ daꞈ la tuˬ ve tehꞈ dawˇ law kuiˬ peꞈ laˇ ve yoˬ. Mvuhˇ naw ma hkʼoˆ chehˇ ve ngaˬ hui ve Awˬ pa Yaˬhoˉvaˬ htaꞈ caˉ daꞈ ve, daꞈ ve awˬ hoꞈ awˬ ha Liꞈ hpu hkʼaw kʼoˆ maˍ laˇ ve yoˬ.—Chiˇ 119:97.

Ngaˬ hui teˇ gʼaˇ leh teˇ gʼaˇ Yaˬhoˉvaˬ ve tawˇ hkawˇ htaꞈ awˬ hpfuhˇ shiˍ ve maˇ shuˍ daꞈ. Laꞈ shawnˍ chi htaꞈ awˬ hpfuhˇ shiˍ ve tehꞈ hkʼaˬ hkʼe te hpeuꞈ maw piˇ gʼa tuˬ le? Ngaˬ hui Liꞈ hpu teˇ nyi le le gʼaw˗aw laˇ? Beˆ maˍ laˇ hkawˇ a shaꞈ teꞈ kuiˬ hkʼaw yuˬ yehˇ˗aw laˇ? Ngaˬ hui ve te hkʼaˇ dawˇ hkʼaˇ lehˬ chiˇ mvuh ve liꞈ bvuhꞈ paˍ kʼoˆ ve hkʼe hpehꞈ piˇ˗oˆ. Yawˇ kʼoˆ ve, “nawˬ ve awˬ liˇ tawˇ hkawˇ htaꞈ ngaˬ haꞈ jaˇ.”—Chiˇ 119:97.

Yawˇ hui Liꞈ hpu htaꞈ awˬ hpfuhˇ shiˍ ve—Viˆliˇ Htiˬdeˬ ve awˬ lawn (Teˇ tawn) VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Aˬ htoꞈ ma pa taw Viˆliˇ Htiˬdeˬ Liꞈ hpu yanˍ tawˆ ve le?

• Yawˇ coˇ caˇ ve pa taw aˬ htoꞈ ma te chiˇ mvuh hkawˇ gʼa keunˍ ve le?

• Eˍgaˍlaˍ mvuhˇ miˬ hkʼaw Htiˬdeˬ yanˍ tawˆ ve Liꞈ hpu hkʼaˬ hkʼe te hkʼawˇ yuˬ loꞈ la gʼa ve le?

• Gʼuiˬ sha ve tawˇ hkawˇ htaꞈ ngaˬ hui awˬ hpfuhˇ shiˍ ve tehꞈ hkʼaˬ hkʼe te hpeuꞈ maw piˇ gʼa ve le?