Ngaˬ hui aˬ htoꞈ ma loˍ ve Yaˬhoˉvaˬ shiˍ ve

Ka tiꞈ yeˬ leh cuˇ yiˍ cawˬ ve awˬ ceˬ “awˬ yanˇ cawˇ lehˍ” htaˇ ngaˬ hui htaꞈ caˇ tuˬ peꞈ laˇ ve yoˬ. Yaˬhoˉvaˬ ngaˬ hui yonˍ yeˬ gʼa tuˬ aˬ htoꞈ ma loˍ ve yawˇ shiˍ leh awˬ ceˬ chi htaꞈ sheh kʼai chehˇ ve yoˬ. (Maꞈ 24:45) Hpawnˬ daꞈ lonˉ shehˆ nyi leh mvuhˇ hpeuꞈ hpawnˬ daꞈ ve lehˬ awˬ lawn chi hkʼa peuˬ ngaˬ hui htaꞈ maˍ laˇ ve yoˬ.

2017 Maˍ ve kawˍmiˍtiˍ awˬ moˍ shiˍ laˇ kaˇ laˇ ve VDO hpaw maˍ leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Hpawnˬ daꞈ lonˉ shehˆ nyi hkʼaw awˬ yanˇ cawˇ cawˇ caˇ tuˬ peꞈ laˇ ve pa taw a shu htaꞈ chiˇ mvuh piˇ cawˇ ve le? Leh aˬ htoꞈ ma pa taw le?

• Hpawnˬ daꞈ lonˉ shehˆ nyi htaꞈ caˉ daꞈ ve kanˉ hkʼaˬ htaˆ tanˬ te ve le?

• 

  Hpawnˬ daꞈ lonˉ shehˆ nyi ve awˬ lawn lonˉ ma hkʼaˬ hkʼe te leuˆ ve le?

• Hpawnˬ daꞈ lonˉ shehˆ nyi te tuˬ aˬ htoꞈ ma kanˉ cawˬ ve le?

• Mvuhˇ hpeuꞈ hpawnˬ daꞈ ve awˬ lawn gu htaˇ Giˉlaˆ Liꞈ henˇ yehˬ hkʼaw henˇ ve awˬ hkʼaˇ hkʼa shuˍ hkʼaˬ hkʼe te yuˬ yehˇ ve le?

• 

  Hpawnˬ daꞈ ve te jawˬ tuˬ liꞈ kʼoˆ gu htaˇ awˬ viˉ awˬ nyi laiˉ gʼaˇ kanˉ teˇ geh hkʼaˬ hkʼe te ve le?

Ngaˬ hui ve yonˍ hkʼaˇ htaꞈ htehˍ laˇ tuˬ Yaˬhoˉvaˬ gu laˇ ve awˬ ceuˬ htaꞈ nawˬ hkʼaˬ hkʼe dawˇ ve le?