Aˬ htoꞈ ma pa taw Yaˬhoˉvaˬ Aˍbranˍ leh Saˍrehˇ htaꞈ awˬ meh pa piˇ ve le?

17:1, 3-5, 15, 16

Aˍbranˍ lehˬ hteˇ ve cawˇ ve chaw hpehꞈ ve tehꞈ Yaˬhoˉvaˬ shawˍ ve yoˬ. Ka tiꞈ te taˍ ve htaꞈ caˉ daꞈ ve awˬ ceuˬ Yaˬhoˉvaˬ Aˍbranˍ htaꞈ kʼoˆ piˇ htaˇ, yawˇ Aˍbranˍ leh Saˍrehˇ ve awˬ meh pa piˇ ve yoˬ. Awˬ meh awˬ suhˉ chi lehˬ, awˬ gʼuˇ suhˍ hpawˇ hpehꞈ la tuˬ ve awˬ lawn htaꞈ caˉ daꞈ ve yoˬ.

Yawˇ hui ve awˬ meh ve tcuhˉ kuiˬ hkʼe awˬ tehˬ hpehꞈ la ve yoˬ. Aˍbraˍhanˍ lehˬ chaw laiˉ ceuˬ ve awˬ pa hpehꞈ la leh Saˍraˇ htawˇ jawˇ mawˇ laiˉ gʼaˇ ve awˬ e hpehꞈ ve yoˬ.

• 

  Aˍbraˍhanˍ

  Chaw maˇ maˇ ve awˬ pa

• 

  Saˍraˇ

  Jawˇmawˇ ma

Ngaˬ hui paw la htaˇ, a shu yawˇ ve awˬ meh htaꞈ leuˆ maˇ gʼa. Yaꞈ hkʼaˇ, Aˍbraˍhanˍ leh Saˍraˇ hkʼa shuˍ ngaˬ hui hkʼaˬ hkʼe ve chaw hpehꞈ tuˬ leuˆ te gʼa ve yoˬ. Nawˬ awˬ to htaꞈ na nyi sheˍ:

• ‘Ngaˬ hteˇ ve cawˇ ve chaw hpehꞈ ve tehꞈ Yaˬhoˉvaˬ shawˍ laˇ tuˬ hkʼaˬ hkʼe gʼa te ve le?’

• ‘Yaˬhoˉvaˬ awˬ pon ngaˬ hkʼaˬ hkʼe ve chaw hpehꞈ ve le?’