Ngaˬ hui Gʼuiˬ sha ve kanˉ te cheuˬ la ve awˬ hkʼaˇ—Mehˆ cuˇ ve chaw htaꞈ hto maˍ piˇ ve

Aˬ htoꞈ ma te a yeˇ uiˍ ve le?: Mehˆ cuˇ ve chaw yawˇ aˉ hkʼaw laˬ ve maˇ shiˍ daꞈ ve chaw geh tawˇ maˇ yaw daꞈ haˆ ve yoˬ. Chi htaꞈ pa taw, ngaˬ hui yawˇ hui geh tawˇ yaw daꞈ gʼa tuˬ gʼa coˇ caˇ ve yoˬ. Yaˬhoˉvaˬ mehˆ cuˉ ve chaw hui htaꞈ haꞈ jaˇ. (Oˉ 19:14) Ngaˬ hui kaꞈ yawˇ htaꞈ henˇ yuˬ gʼa ve yoˬ. Chi hkʼe te gʼa tuˬ, mehˆ cuˉ ve chaw Yaˬhoˉvaˬ ve awˬ lawn henˇ shiˍ maˇ laˇ tuˬ ngaˬ hui maˍ piˇ gʼa ve yoˬ.

Ngaˬ hui hkʼaˬ hkʼe te tuˬ le?:

• Mehˆ cuˉ ve chaw htaꞈ ca ca˗e ve. (Maꞈ 10:11) Yehˬ kʼa hkʼaw ve chaw mehˆ cuˉ ve chaw cawˬ ve htaꞈ nawˬ shiˍ daꞈ˗aw laˇ? Mehˆ cuˉ ve chaw liꞈ henˇ yehˬ, mehˆ cuˉ ve chaw chehˇ kuiˬ yehˬ mehˆ cuˉ ve chaw awˬ pon liꞈ heuˆ gaˇ ve caw˗aw laˇ?

• Nawˬ yawˇ htaꞈ a yeˇ yuˬ ve tehꞈ hpeuꞈ maw piˇ sheˍ. Nawˬ yawˇ htaꞈ awˬ chawˇ te piˇ ve kʼo, yawˇ nyi ma sha tuˬ te piˇ gʼa ve yoˬ. Yawˇ hui dawˇ cawˇ ve awˬ lawn cuˇ leh tawˇ tanˬ yaw daꞈ piˇ sheˍ.

• Yonˍ tuˬ ga piˇ ve. Mehˆ cuˉ ve chaw leh mehˆ hkʼa dehꞈ maˇ mawˬ ve chaw htaꞈ ga piˇ tuˬ, ngaˬ hui ve kanˉ hkʼaˇ liꞈ kʼoˆ leh VDO laiˉ ceuˬ te tawˆ ve yoˬ. Yawˇ hkʼaˬ hkʼe henˇ gʼaˇ ve htaꞈ na piˇ sheˍ. Liꞈ kʼoˆ nyi haꞈ shaˉ paˍ mehˆ cuˉ ve chaw awˬ pon liꞈ lawˬ˗o ve tehꞈ Gʼuiˬ sha ve kanˉ te ve nyi haꞈ shaˉ paˍ hkʼa dehꞈ gʼa chaˬ nyi ve yoˬ.