Paˍsaˍhkaˍ pawehˇ Hkriꞈ yaˇ awˬ pon a yeˇ uiˍ ve

12:5-7, 12, 13, 24-27

Iˉsaˍreˍlaˆ chaw awˬ pon kawˆ tuˬ dawˇ haˍ tuˬ awˬ ceuˬ teˇ chi ceuˬ teˇ ceuˬ maˇ gʼa hpuˇ tuˬ, Yaˬhoˉvaˬ kʼoˆ piˇ ve teˇ ceuˬ le le yawˇ hui gʼaꞈ te tuˬ a yeˇ uiˍ jaˇ. (Tawˆ 12:28) Niˆsanˍ ha pa 14 nyi htaˇ, teˇ gʼaˇ le le a shu yawˇ ve yehˬ hkʼaw gʼa chehˇ ve yoˬ. Yawˇ hui awˬ kuiˉ awˬ haiˇ maˇ cawˬ ve leh teˇ hkʼawꞈ biˇ peu˗eˬ ve yawˬ ehˉ maˇ heˆ leh aˉ cheꞈ ehˉ htaꞈ tiˇ pehˍ tuˬ yoˬ. Hkʼe te leh yehˬ miˇ hpeꞈ hkʼoˆ lo awˬ suhˍ htaꞈ yuˬ shehˆ taˍ ve yoˬ. Peuˬ leh, yawˬ ehˉ maˇ heˆ leh aˉ cheꞈ ehˉ gʼa piˍ leh hkʼa peu˗eˬ haˆ gʼa caˇ peuˬ ve yoˬ. Hkʼe te leh mvuhˇ htiˇ la htaˇ hkʼa gaˬ chaw teˇ gʼaˇ kaꞈ a shu yawˇ ve yehˬ hkʼaw maˇ gʼa tawˆ kʼai.—Tawˆ 12:9-11, 22.

Chi beuꞈ teˇ co˗e beˆ maˍ laˇ hkawˇ hkʼa tawˍ lehˆ kʼoˆ maˍ laˇ htaˇ ngaˬ hui na yuˬ ve kʼo ngaˬ hui htaꞈ hkʼaˬ hkʼe te haꞈ shaˉ laˇ ve le?