Daꞈ kehˬ ve aˉ po kʼo bon yehˬ hkʼaw teˇ ceuˬ le le aꞈ kehˉ a yeˇ uiˍ jaˇ ve mawˇ

25:9, 21, 22

Iˉsaˍreˍlaˆ chaw heh puiˉ hkʼaw lo chehˇ htaˇ, daꞈ kehˬ ve aˉ po kʼo bon yehˬ hkʼaw ka tiꞈ shaˉ caˆ ta kʼoˍ lehˬ, teˇ ceuˬ le le aꞈ kehˉ a yeˇ uiˍ jaˇ ve mawˇ hpehꞈ ve yoˬ. Hkeˍruˆbeˍ nyiˇ maˬ awˬ kaˬ lo tawˆ la ve mvuhˇ hkʼawˇ lehˬ, teˇ hkʼawꞈ le le awˬ pon venˇ baˆ hpehˇ ve awˬ nyi htaˇ, Yaˬhoˉvaˬ oˇ kaˬ lo chehˇ taˍ ve tehꞈ kʼoˆ gaˇ ve yoˬ. Paw hkuˇ lonˉ lehˬ, daꞈ kehˬ jaˇ ve bawehˇ hkʼaw loꞈ˗e leh, nuˇ leh aˉ cheꞈ ve awˬ suhˍ htaꞈ ka tiꞈ shaˉ caˆ ta kʼoˍ gʼuˇ suhˍ lo hpe pfuhˍ ve yoˬ. Chi hkʼe te ve lehˬ, Iˉsaˍreˍlaˆ chaw awˬ pon venˇ baˆ htaiˍ hkʼawꞈ piˇ ve yoˬ. (Oˉ 16:14, 15) Awˬ lawn chi lehˬ, awˬ gʼuˇ suhˍ hpawˇ Yeˍsuˆ Hkriꞈ Paw hkuˇ lonˉ te leh yawˇ ve htaiˍ hkʼawꞈ ve awˬ hpuˇ htaꞈ yuˬ leh, mvuhˇ naw ma hkʼoˆ taˆ˗e leh Yaˬhoˉvaˬ htaꞈ tanˇ piˇ tuˬ awˬ heˆ hpehꞈ ve yoˬ.—Heˍ 9:24-26.

Awˬ hawˉ lo ve Liꞈ hpu awˬ tawn chi teˇ hpaˍ leh ngaˬ hui awˬ bon gʼa tuˬ ve awˬ ceh yuˬ ceh sheˍ:

Liꞈ hpu awˬ tawn

• 1 Yoˇ 1:8, 9

• Heˍ 9:13, 14

• Roˉ 6:23

Ngaˬ hui awˬ bon gʼa tuˬ ve

• co co taiˍ taiˍ a shaꞈ teꞈ chehˇ tuˬ ve dawˇ law kuiˬ cawˬ ve

• venˇ baˆ hpehˇ laˇ ve

• daꞈ kehˬ ve dawˇ shiˍ puiˉ ve nyi ma cawˬ ve

Awˬ bon chi teˇ hpaˍ htaꞈ gʼa tuˬ ngaˬ hui aˬ htoꞈ ma gʼa te ve le?