Nawˬ ve awˬ gʼaˇ leh awˬ yanˇ Yaˬhoˉvaˬ htaꞈ piˇ gʼa˗aw laˇ?

Iˉsaˍyaˆ tcuh kaˍ paˍ tawˇ hkawˇ kʼoˆ taˍ ve hkʼe, Gʼui sha ve kanˉ hkʼaˇ miˬ gui chi hkʼoˆ lo ngaˬ hui maˇ mawˬ jaw ve hkʼe uiˍ la mvuh la chehˇ ve yoˬ. (Isy 54:2) Kanˉ chi uiˍ la chehˇ ve pa taw, Gʼuiˬ sha ve mvuhˇ miˬ Hpawnˬ daꞈ kuiˬ yehˬ, Hpawnˬ daꞈ kuiˬ yehˬ lonˉ, leh awˬ tcuhˆ peuˬ yehˬ awˬ suhˉ gʼa kʼawꞈ te ve yoˬ. Te peuˬ hkʼawꞈ nawˉ kaꞈ yehˬ chi teˇ hpaˍ gʼaw kʼawꞈ nyi haꞈ shaˉ ve yoˬ. Teˇ yehˬ yehˬ kʼo awˬ suhˉ gʼa kʼawꞈ gu ve yoˬ. Kanˉ chi teˇ hpaˍ htaꞈ pa taw nawˬ ve awˬ gʼaˇ leh awˬ yanˇ Yaˬhoˉvaˬ htaꞈ hkʼaˬ hkʼe te piˇ gʼa tuˬ le?

• Ngaˬ hui hto toˇ tuˬ awˬ moˍ, daꞈ kehˬ tuˬ te tuˬ awˬ vuiˬ gʼa ve kʼo ga piˇ gʼa ve

• Hpawnˬ daꞈ kuiˬ yehˬ nyi haꞈ shaˉ tuˬ awˬ hkʼaˇ, ngaˬ hui ca henˇ tuˬ liꞈ bvuhꞈ feu piˇ gʼa ve

• Hpawnˬ daꞈ kuiˬ yehˬ te ve hpawˇ (LDC) ve kanˉ htaꞈ ga piˇ gʼa tuˬ, nawˬ liꞈ bvuhꞈ feu piˇ gʼa ve yoˬ. (DC-50) Kanˉ chi htaꞈ ga piˇ tuˬ teˇ tcuhˉ teˇ yanˇ ceh te leh nawˬ ve yehˬ paˇ lo te ve

• Awˬ tcuhˆ peuˬ ve kanˉ htaꞈ ga piˇ tuˬ, hkʼaˬ teˇ kaˬ lo chehˇ ve maˇ kʼoˆ awˬ yanˇ teˇ shinˉ, maˇ heˆ leh chi aꞈ kehˉ maw ve te gaˇ ve maˇ kʼoˆ, nawˬ liꞈ bvuhꞈ feu piˇ gʼa ve (A-19)

Yehˬ awˇ shinˉ te tuˬ awˬ hkʼaˇ tanˬ gu˗oˬ ve VDO hpaw maˍ leh na hkawˇ chi teˇ hpaˍ htaꞈ hkʼawꞈ laˇ sheˍ:

• 2014 hkʼawꞈ htaˇ tanˬ leh oˇ htaˇ aꞈ kehˉ ngaˬ hui VDO hkʼaˬ hkʼe kʼawꞈ yehˇ maˇ ve le?

• VDO kʼawꞈ te tawˆ la maˇ la tuˬ Gʼuiˬ sha ve kanˉ hkʼaˇ aˬ htoꞈ ma gu teh˗oˬ ve le? Kanˉ chi hkʼaˬ htaˆ tanˬ leh hkʼaˇ htaˆ peuˬ tuˬ le?

• Awˬ viˉ awˬ nyi kanˉ chi htaꞈ hkʼaˬ hkʼe ga piˇ gʼa tuˬ le?

• Raˍmaˍhpo venˇ lo VDO htawnˍ kuiˬ yehˬ awˬ suhˉ te tuˬ, leh nawˬ ve yehˬ paˉ lo hpawnˬ daꞈ kuiˬ yehˬ te ve hpawˇ (LDC) ve kanˉ htaꞈ ga piˇ gaˇ ve kʼo, aˬ htoꞈ ma pa taw liꞈ (DC-50) bvuhꞈ feu piˇ cawˇ ve le?

• Yaˬhoˉvaˬ kanˉ chi sheh kʼai chehˇ ve tehꞈ ngaˬ hui shaˉ hkiˆ aˬ htoꞈ ma gʼa mawˬ ve le?

• Kanˉ chi te tuˬ ngaˬ hui ca ga piˇ maˇ gʼa ve htawˇ, ngaˬ hui hkʼaˬ hkʼe ve hpawˇ ga piˇ gʼa ve le?