Yaˇ nehˬ˗oˬ Yaˬhoˉvaˬ htaꞈ nawˬ haꞈ jaˇ ve awˬ chawˇ hpehꞈ tcuh˗aw laˇ?

Nawˬ hkʼaˬ hkʼe ve awˬ chawˇ cawˬ gaˇ ve le? Nawˬ htaꞈ maˇ baˬ ve awˬ chawˇ, nawˬ htaꞈ a yeˇ te laˇ ve awˬ chawˇ leh shiˍ puiˉ jaˇ ve awˬ chawˇ cawˬ gaˇ ve yoˬ hehˉ. Yaˬhoˉvaˬ lehˬ te hkʼaˇ dawˇ hkʼaˇ chi hkʼa peuˬ˗e cawˬ ve yoˬ. (Tawˆ 34:6; Tcuh 14:17) Yaˬhoˉvaˬ nawˬ ve bon lawˬ hkawˇ hkʼaˬ htaˆ kaꞈ na leh nawˬ lawˬ ve hkʼe teˇ pawˆ le le ga laˇ ve yoˬ. (Chiˇ 18:19, 35) Nawˬ te yaꞈ htaˇ yawˇ venˇ baˆ hpehˇ laˇ ve yoˬ. (1 Yoˇ 1:9) Yaˬhoˉvaˬ lehˬ daꞈ jaˇ ve awˬ chawˇ hpehꞈ ve yoˬ.

Nawˬ Yaˬhoˉvaˬ geh awˬ chawˇ hkʼaˬ hkʼe te gʼa tuˬ le? Yawˇ htaꞈ shiˍ daꞈ maˇ la tuˬ Liꞈ hpu gʼaw sheˍ. Bon lawˬ ve hkʼaw nawˬ ve dawˇ hkʼaˇ hkʼa peuˬ˗e yawˇ htaꞈ kʼoˆ piˇ sheˍ. (Chiˇ 62:8; 142:2) Yaˬhoˉvaˬ awˬ pon a yeˇ uiˍ ve htaꞈ nawˬ awˬ hpfuhˇ shiˍ ve tehꞈ hpeuꞈ maw piˇ sheˍ. Tawˇ pa haˉ te kʼo, yawˇ ve Yaˇ paˍ Yeˍsuˆ ve awˬ lawn, mvuhˇ naw ma mvuhˇ miˬ ve awˬ lawn, awˬ gʼuˇ suhˍ hpawˇ htaꞈ caˉ daꞈ ve ka tiꞈ te taˍ ve teˇ hpaˍ. Chi hkʼoˆ kaꞈ shu yawˇ ve awˬ lawn htaꞈ shiˍ tuˬ kʼoˆ maˍ piˇ sheˍ. (Bon 32:3) Nawˬ Yaˬhoˉvaˬ geh meuˆ daꞈ tuˬ coˇ caˇ ve kʼo, yawˇ nawˬ ve co co taiˍ taiˍ ve awˬ chawˇ hpehꞈ tuˬ yoˬ.—Chiˇ 73:25, 26, 28.

Yaˇ nehˬ˗oˬ “Gʼuiˬ sha hkʼaˬ ma daꞈ jaˇ ve awˬ lawn nawˬ hkʼaˇ nawˬ dawˇ nyi˗o” VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Nawˬ awˬ to chiˇ aꞈ leh baˆtiˆsaˍ haꞈ yuˬ gaˇ ve kʼo aˬ htoꞈ ma te cawˇ ve le?

• 

  Nawˬ Yaˬhoˉvaˬ ve kanˉ te gʼa tuˬ Hkriꞈ yaˇ awˬ moˍ hkʼaw ve chaw hkʼaˬ hkʼe ga laˇ gʼa ve le?

• 

  Nawˬ Yaˬhoˉvaˬ ve kanˉ te ve kʼo yawˇ geh meuˆ daꞈ maˇ la tuˬ hkʼaˬ hkʼe ga laˇ gʼa ve le?

• 

  Nawˬ Gʼuiˬ sha ve kanˉ hkʼaˬ hkʼe hpawˇ te gʼa ve le?

• Yaˬhoˉvaˬ htaꞈ caˉ daꞈ ve awˬ lawn nawˬ aˬ htoꞈ ma dawˇ cawˇ ve le?