Ha pa 11 maˬ hkʼaw Gʼuiˬ sha ve mvuhˇ miˬ awˬ lawn hto toˇ tuˬ a yeˇ uiˍ jaˇ ve

Yeˍsuˆ lehˬ, “Gʼuiˬ sha ve mvuhˇ miˬ awˬ lawn ha lehˬ ve bon hkawˇ” htaꞈ maˍ ve yoˬ. (Luˉ 4:43) Yawˇ Gʼuiˬ sha ve mvuhˇ miˬ uˉ peunˍ la tuˬ shu htaꞈ bon lawˬ tuˬ maˍ piˇ ve yoˬ. (Maꞈ 6:9, 10) Ha pa 11 maˬ hkʼaw ngaˬ hui Gʼuiˬ sha ve mvuhˇ miˬ awˬ lawn shu htaꞈ hto piˇ tuˬ coˇ caˇ tuˬ yoˬ. (Maꞈ 24:14) Chi teˇ pawˆ te tuˬ nawˬ ve awˬ yanˇ gu teh taˍ sheˍ. Teˇ tcuhˉ teˇ yanˇ gʼuˇ suhˍ peuˬ ve chaw 30 naˍ riˍ maˇ heˆ kʼo 50 naˍ riˍ te tuˬ leuˆ gʼa ve yoˬ.

Hto toˇ htaˇ Gʼuiˬ sha ve mvuhˇ miˬ htaꞈ caˉ daꞈ ve Liꞈ hpu awˬ tawn shu htaꞈ gʼaw maˍ piˇ tuˬ coˇ caˇ sheˍ. Na taˍ ve chaw ve bon liˇ htaꞈ caˉ daꞈ ve Liꞈ hpu awˬ tawn gʼaw maˍ piˇ sheˍ. Na taˍ ve chaw awˉ lawˉ htaˇ kaꞈ nyi ma pfuhˇ ve kʼo, Shaw nyi kuiˬ Taꞈ yehˬ 2020 hkʼawꞈ nyiˇ kʼoˆ teˇ kʼoˆ piˇ leh te gʼa ve kʼo haˆ haˆ ca kʼawꞈ guiˇ˗e piˇ sheˍ. Yawˇ htaꞈ Liꞈ hpu tanˬ maˍ piˇ tuˬ coˇ caˇ leh maˍ piˇ tuˬ ve laꞈ caˉ hkʼaw cawˬ ve liꞈ yehˇ sheˍ. Awˬ yanˇ a ciˉ ceh tiˉ cawˬ˗o. Maˇ maw kʼo Gʼuiˬ sha ve mvuhˇ miˬ yawˇ htaꞈ tawˍ piˇ ve mvuhˇ miˬ hkʼa peuˬ˗e htaꞈ te luˬ tuˬ yoˬ. (Daˍ 2:44; 1 Kawˇ 15:24, 25) Chi htaꞈ pa taw nawˬ Yaˬhoˉvaˬ leh yawˇ ve mvuhˇ miˬ htaꞈ ka tiꞈ yeˬ leh yawˇ ve hpawˇ chehˇ ve tehꞈ awˬ yanˇ chi htaꞈ yehˇ leh hpeuꞈ maw piˇ sheˍ!