LIꞈ HPU HKʼAW AWˬ HPFUHˇ HKʼAˆ VE AWˬ CEUˬ

Yaˬhoˉvaˬ yawˇ ve chaw htaꞈ hteˇ hteˇ shawˇ shawˇ lehˬ hpehꞈ tuˬ gu piˇ ve

[Heh puiˉ hkʼaw liꞈ ve awˬ lawn VDO hpaw maˍ ve]

Iˉsaˍreˍlaˆ chaw awˬ moˍ awˬ moˍ te pehˍ chehˇ ve, teˇ moˍ hkʼaw 3 chaw ceuˬ cawˬ ve (Heh 1:52, 53; w94-SI 01/12 9 ¶4)

Iˉsaˍreˍlaˆ chaw aˬ laˬ hkʼe 3 lanˬ gʼaˇ cawˬ ve maˇ heˆ kʼo chi aꞈ kehˉ cawˬ maˇ ve (Heh 2:32, 33; it-1-E 397 ¶4)

Yaˬhoˉvaˬ yawˇ ve chaw htaꞈ yawˇ htaꞈ oˉ kʼoˍ pui tuˬ hteˇ hteˇ shawˇ shawˇ lehˬ hpehꞈ tcuh gaˇ ve yoˬ. Oˇ htaˇ teˇ co˗e ve Iˉsaˍreˍlaˆ chaw leh chi beuꞈ teˇ co˗e Gʼuiˬ sha ve kanˉ te ve chaw kaꞈ chi hkʼe te ve yoˬ.—1 Kawˇ 14:33, 40.

Iˉsaˍreˍlaˆ chaw fa la teh ve awˬ han. Bon yehˬ awˬ kaˬ lehˉ lo cawˬ ve. Leˍviˆ ve awˬ ceuˬ awˬ hkʼaˇ bon yehˬ awˬ paˉ lo chehˇ ve: Aˍronˍ mvuhˇ nyi tawˆ hpawˇ lo chehˇ ve, Kawˇhaˆ awˬ hawˉ hpawˇ lo chehˇ ve, Geˍraˍsonˍ mvuhˇ nyi kʼehˬ hpawˇ lo chehˇ ve, Maˍraˍriˆ awˬ na hpawˇ lo chehˇ ve. 12 chaw ceuˬ awˬ baˬ hpawˇ lo chehˇ ve. Mvuhˇ nyi tawˆ hpawˇ lo Iˉsaˍhkaˍ, Yuˇdaꞈ, Zeˍbuˆlonˍ chehˇ ve. Awˬ hawˉ hpawˇ lo Gaˆ, Ruˇbenˍ, Siˉmonˍ chehˇ ve. Mvuhˇ nyi kʼehˬ hpawˇ lo Beˍyaˍmenˍ, Eˇhpaˍrenˍ, Maˍnaˍseˍ chehˇ ve. Awˬ na hpawˇ lo Naˍtaˍliˆ, Danˍ, Aˍshaˍ chehˇ ve.

Nawˬ awˬ to htaꞈ na nyi sheˍ: ‘Ngaˬ Yaˬhoˉvaˬ ve kanˉ hkʼaˇ nyi ma awˬ tawn hkʼa gaˬ ga piˇ chehˇ ve tehꞈ hkʼaˬ hkʼe te hpeuꞈ maw piˇ gʼa tuˬ le?’