Daꞈ ve awˬ chawˇ htaꞈ leuˆ yuˬ ve

Iˉsaˍreˍlaˆ chaw Mawˉbaˆ miˬ tawˍ kuiˬ lo chehˇ htaˇ, hpehꞈ la ve awˬ lawn Hkriꞈ yaˇ awˬ pon a yeˇ uiˍ jaˇ ve henˇ yuˬ tuˬ hpehꞈ ve yoˬ. (1 Kawˇ 10:6, 8, 11) Shaˉ hoꞈ htaꞈ oˉ kʼoˍ pui leh pehꞈ ve tzuhˆ ve te ve Mawˉbaˆ chaw ve yaˇ miˇ htaꞈ Iˉsaˍreˍlaˆ chaw caˉ daꞈ ve pa taw, yawˇ hui hehnˇ jaˇ ve venˇ baˆ te ve yoˬ. Chi hkʼe te ve pa taw kawˆ tuˬ uiˍ jaˇ ve heuˆ la kuiˬ cawˬ la ve yoˬ. (Heh 25:9) Ngaˬ hui kaꞈ kanˉ teˇ geh te ve awˬ chawˇ, liꞈ teˇ geh henˇ ve awˬ chawˇ, ngaˬ hui ve yehˬ paˇ lo chehˇ ve chaw, awˬ shiˍ awˬ shaˍ hpawˇ ve awˬ viˉ awˬ nyi, awˬ kaˍ awˬ nu ve chaw htaꞈ kaꞈ ngaˬ hui gʼa caˉ daꞈ ve yoˬ. Chaw chi teˇ hpaˍ Yaˬhoˉvaˬ htaꞈ oˉ kʼoˍ maˇ pui ve yoˬ. Iˉsaˍreˍlaˆ chaw Yaˬhoˉvaˬ htaꞈ oˉ kʼoˍ maˇ pui ve chaw geh awˬ chawˇ te ve pa taw, ngaˬ hui aˬ htoꞈ ma awˬ lawn henˇ gʼa ve le?

Ngaˬ hui ve awˬ co˗e hkʼaw shaˍ tiꞈ peꞈ laˇ ve—Chi suhˉ˗ehꞈ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Ziˇmaˍriˆ leh yawˇ ve awˬ chawˇ Yaˍmenˍ geh tawˇ yaw daꞈ htaˇ maˇ cawˇ ve dawˇ hkʼaˇ aˬ htoꞈ ma cawˬ ve le?

• 

  Yaˍmenˍ cawˇ ve dawˇ hkʼaˇ cawˬ tuˬ Hpiˇneˍhaˆ hkʼaˬ hkʼe te ga piˇ ve le?

• Yaˬhoˉvaˬ htaꞈ oˉ kʼoˍ maˇ pui ve chaw geh awˬ chawˇ te ve leh meuˆ daꞈ ve hkʼaˬ hkʼe te peun daꞈ ve le?

• Aˬ htoꞈ ma pa taw chaw teˇ gʼaˇ htaꞈ meuˆ daꞈ tuˬ te htaˇ yawˇ Hkriꞈ yaˇ awˬ moˍ hkʼaw ve chaw hpehꞈ ve htawˇ, shaˍ tiꞈ te cawˇ ve le?

• Ngaˬ hui maˇ shiˍ daꞈ ve chaw htaꞈ caˉ daꞈ tuˬ ve ehˆ hkʼaw loꞈ˗e tcuh laˇ ve kʼo aˬ htoꞈ ma te ngaˬ hui maˇ loꞈ˗e cawˇ ve le?