Awˬ leh meuˇ ve awˬ yanˇ awˬ leh meuˇ hkʼaw ngaˬ hui hkʼaˬ hkʼe te gu hehnˇ gʼa tuˬ le?

Awˬ leh meuˇ ve awˬ yanˇ awˬ leh meuˇ hkʼaw ngaˬ hui yeunˇ hkanˍ chehˇ ve pa taw, shoꞈ shaꞈ ve awˬ ceuˬ cawˬ maˇ la leh hehnˇ taˆ la ve tehꞈ ngaˬ hui shiˍ ve yoˬ. (2 Tiˆ 3:1; nwtsty˗E henˇ tuˬ ve awˬ lawn hkʼaw cawˬ ve Maꞈ 24:8) Maˇ dawˇ maˇ gaˇ ve hkʼaw hpehꞈ la ve awˬ ceuˬ cawˬ htaˇ, Gʼuiˬ sha ve chaw maˇ gʼa dawˇ haˍ tuˬ beˆ maˍ laˇ ve, cawˇ ve awˬ yanˇ hkʼaw gʼa tuˬ yoˬ. Chi teˇ hkui tanˬ leh ngaˬ hui na yuˬ leh gu hehnˇ taˍ ve kʼo, ngaˬ hui awˬ suhˍ awˬ shaˍ hpawˇ leh co ha hpawˇ kawˆ tuˬ dawˇ haˍ ve maˇ cawˬ tuˬ yoˬ.—Luˉ 16:10.

• Co ha hpawˇ gu hehnˇ taˍ ve: Hkriꞈ yaˇ te ve awˬ ceuˬ htaꞈ haꞈ shaˉ sheˍ. Gʼuiˬ sha ve kanˉ te tuˬ awˬ hkʼaˇ awˬ suhˉ awˬ suhˉ htaꞈ henˇ sheˍ. Nawˬ awˬ viˉ awˬ nyi geh teˇ tcuhˉ teˇ yanˇ gʼa hpaˆ daꞈ ve kʼo, taˇ dawˇ haˍ. (Isy 30:15) Nawˬ Yaˬhoˉvaˬ leh Yeˍsuˆ geh hpaˆ daꞈ tuˬ teˇ gʼaˇ kaꞈ te laˇ maˇ gʼa.—od˗SI 176 ¶15-17

• Awˬ suhˍ awˬ shaˍ hpawˇ gu hehnˇ ve: Maˇ dawˇ maˇ gaˇ ve awˬ ceuˬ hpehꞈ la leh teˇ kaˬ gʼa hpaw˗e ve kʼo, teˇ yehˬ kʼa le le caˇ tuˬ, iˉ kaˆ, naˆ tsuhˇ, leh a yeˇ uiˍ ve awˬ ceuˬ taˉ poˆ hkʼaw gu teh taˍ cawˇ ve yoˬ.—Tawˇ 22:3; g17.5-SI 4, 6

Mvuhˇ yeˬ mvuhˇ haw lonˉ awˬ pon nawˬ gu hehnˇ˗aw laˇ? VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Maˇ dawˇ maˇ gaˇ ve awˬ ceuˬ maˇ gʼa hpuˇ sheˍ htaˇ ngaˬ hui co ha hpawˇ hkʼaˬ hkʼe te gu hehnˇ taˍ gʼa tuˬ le?

• 

  Aˬ htoꞈ ma pa taw ngaˬ hui htaꞈ caˉ daꞈ gʼa tuˬ nyi haꞈ shaˉ paˍ htaꞈ hkʼaˬ htaˆ kaꞈ kʼoˆ piˇ cawˇ ve le?

  • Aˬ htoꞈ ma paw taw caˇ tuˬ, naˆ tsuhˇ, leh a yeˇ uiˍ ve awˬ ceuˬ taˉ poˆ hkʼaw doˆ taˍ cawˇ ve le?

  • Aˬ htoꞈ ma paw taw nawˬ maˇ dawˇ maˇ gaˇ ve awˬ ceuˬ gʼa hpuˇ la htaˇ hkʼaˬ hkʼe te haꞈ yuˬ gʼa tuˬ yaw daꞈ cawˇ ve le?

• 

  Maˇ dawˇ maˇ gaˇ ve awˬ ceuˬ gʼa hpuˇ ve chaw htaꞈ ngaˬ hui ga piˇ gʼa tuˬ awˬ hkʼaˇ 3 hkʼaˇ aˬ htoꞈ ma cawˬ ve le?

Nawˬ awˬ to htaꞈ na nyi sheˍ: ‘A naˍ 19 hpehꞈ la ve pa taw ngaˬ awˬ to gu hehnˇ tuˬ aˬ htoꞈ ma gʼa henˇ ve le?’