Ha kʼaˉ ve

Ha kʼaˉ ve lehˬ shu aˬ htoꞈ ma dawˇ ve, aˬ htoꞈ ma loˍ ve, ngaˬ hui shiˍ ve tehꞈ kʼoˆ gaˇ ve yoˬ. Ngaˬ hui shu htaꞈ ha kʼaˉ ve hpeuꞈ maw piˇ ve kʼo, ngaˬ hui yawˇ hui htaꞈ ga piˇ gaˇ ve tehꞈ yawˇ hui shiˍ gʼa ve yoˬ. Gʼuiˬ sha ve kanˉ te ve hkʼaw ngaˬ hui ha kʼaˉ ve hpeuꞈ maw ve kʼo, ngaˬ hui Yaˬhoˉvaˬ haꞈ pehnˇ ve leh ha kʼaˉ puiˉ ve tehꞈ hpeuꞈ maw chehˇ ve yoˬ. Chi hkʼe te ve kʼo, laiˉ gʼaˇ Yaˬhoˉvaˬ htaꞈ shiˍ daꞈ gaˇ tuˬ te piˇ ve yoˬ.—Hpi 2:4.

Ha kʼaˉ puiˉ ve lehˬ maˍ ve hkʼaw awˬ hkʼaˇ teˇ hkʼaˇ ceh hpehꞈ ve maˇ heˆ. Yaꞈ hkʼaˇ, nawˬ shu htaꞈ na ve, nawˬ tawˇ yaw ve, nawˬ ve dawˇ hkʼaˇ, nawˬ te tawˆ la ve htaꞈ shu mawˬ gʼa tuˬ, nawˬ hpeuꞈ maw piˇ gʼa ve yoˬ. Ngaˬ hui shu htaꞈ ha kʼaˉ ve hpeuꞈ maw piˇ gʼa tu yawˇ hui htaꞈ a yeˇ gʼa te piˇ ve yoˬ. Yawˇ hui aˬ htoꞈ ma dawˇ cawˇ ve, aˬ htoꞈ ma yonˍ ve leh a shaꞈ tiꞈ hkʼaˇ hkʼaˬ hkʼe hpehꞈ ve dawˇ nyi sheˍ. Ngaˬ hui yawˇ hui htaꞈ beˆ maˍ piˇ ve leh ga piˇ ve yoˬ. Yaꞈ hkʼaˇ, yawˇ hui pa tuˬ ngaˬ hui maˇ nyiˉ piˇ. Yawˇ hui ga laˇ ve htaꞈ haꞈ yuˬ htaˇ, ngaˬ hui Gʼuiˬ sha ve kanˉ te ve hkʼaw ha lehˬ maˇ la tuˬ yoˬ.

Shu awˬ laꞈ gʼawˇ hpehꞈ la tuˬ maˍ piˇ ve hkʼaw ha lehˬ ve—Nawˬ maˍ puiˉ la tuˬ awˬ hkʼaˇ gu ve—Ha kʼaˉ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Na˗daꞈ laˬ naiˉ htaˇ Na˗hteˇ ha kʼaˉ ve hkʼaˬ hkʼe hpeuꞈ maw piˇ ve le?

• 

  Na˗daꞈ yaꞈ nyi Liꞈ hpu henˇ maˇ gʼa kʼoˆ htaˇ, Na˗hteˇ ha kʼaˉ ve hkʼaˬ hkʼe hpeuꞈ maw piˇ ve le?

• 

  Na˗daꞈ hteˇ hteˇ shawˇ shawˇ lehˬ ve chaw maˇ hpehꞈ ve kʼoˆ htaˇ, Na˗hteˇ ha kʼaˉ ve hkʼaˬ hkʼe hpeuꞈ maw piˇ ve le?