Hkriꞈ yaˇ ve a shaꞈ teꞈ hkʼaˇ
A shu yawˇ ve dawˇ hkʼaˇ yehˇ jawˬ ve
Gʼuiˇ enˍ daꞈ ve chaw awˬ gʼaˇ hehnˇ tuˬ hkʼaˬ htaˆ kaꞈ gʼa te jawˬ ve yoˬ. Chi hkʼa shuˍ shuˍ ngaˬ hui daꞈ ve hkʼaw dawˇ cheˆ gʼa tuˬ, ngaˬ hui ve dawˇ hkʼaˇ gʼa yehˇ jawˬ ve yoˬ. (Heˍ 5:14) Shu dawˇ cheˆ ve hkʼe leˇ ngaˬ hui kaꞈ dawˇ cheˆ tuˬ dawˇ cawˇ ve yoˬ hehˉ. Yaꞈ hkʼaˇ, ngaˬ hui hkʼaˇ ngaˬ hui dawˇ cheˆ gʼa tuˬ, ngaˬ hui ve dawˇ hkʼaˇ gʼa yehˇ jawˬ ve yoˬ. Aˬ htoꞈ ma pa taw le? Awˬ lawn kʼo, ngaˬ hui teˇ gʼaˇ le le dawˇ cheˆ taˍ ve heuˆ la kuiˬ htaꞈ gʼa haꞈ yuˬ ve yoˬ.—Roˉ 14:12.
Ngaˬ hui Baˆtiˆsaˬ haꞈ yuˬ maw˗oˬ ve pa taw, daꞈ ve hkʼaw dawˇ cheˆ gʼa ve tehꞈ taˇ dawˇ. Ngaˬ hui cuˇ yiˍ cawˬ ve hkʼaw dawˇ cheˆ gʼa tuˬ Yaˬhoˉvaˬ, Liꞈ hpu, leh Gʼuiˬ sha ve kanˉ hkʼaˇ htaꞈ nyi ma awˬ tawˍ hkʼa gaˬ gʼaˇ va cawˇ ve yoˬ.—Ys 1:7, 8; Tawˇ 3:5, 6; Maꞈ 24:45.
“Nawˬ hui shiˍ puiˉ ve nyi ma htaꞈ kehˬ lehˍ cawˬ piˇ˗oˆ” VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Eˇmaˍ aˬ htoꞈ ma ve awˬ lawn gʼa dawˇ cheˆ ve le?
A shu yawˇ ve dawˇ shiˍ puiˉ ve nyi ma htaꞈ yehˇ leh gʼa dawˇ cheˆ htaˇ, aˬ htoꞈ ma te ngaˬ hui ve dawˇ hkʼaˇ htaꞈ maˇ kʼoˆ piˇ cawˇ ve le?
Awˬ viˉ awˬ nyi teˇ ca Eˇmaˍ htaꞈ daꞈ ve beˆ maˍ laˇ hkawˇ aˬ htoꞈ ma kʼoˆ piˇ ve le?
Eˇmaˍ yawˇ htaꞈ ga piˇ gʼa ve daꞈ ve beˆ maˍ laˇ hkawˇ hkʼaˬ kaˬ lo ca gʼa ve le?