Nawˬ hto toˇ kuiˬ lo yuˬ yehˇ tuˬ ve awˬ lawn | Gʼuiˬ sha kanˉ te ve hkʼaw ha lehˬ maˇ la tuˬ te ve
Awˬ viˉ awˬ nyi ga laˇ ve htaꞈ haꞈ yuˬ˗oꞈ
Yaˬhoˉvaˬ ‘Hkriꞈ yaˇ ve awˬ viˉ awˬ nyi htaꞈ yehˇ leh’ ngaˬ hui htaꞈ ga laˇ ve yoˬ. (1 Peˍ 5:9) Ngaˬ hui Gʼuiˬ sha ve kanˉ te ve kʼo, shoꞈ shaꞈ ve gʼa hpuˇ htaˇ yawˇ hui ga laˇ gʼa ve yoˬ. Tawˇ pa haˉ te kʼo, Aˍkuˉlaˆ, Piˇkiˇlaˆ, Siˍlaˆ, Tiˆmoˉseˍ leh awˬ nu ve awˬ viˉ awˬ nyi ga piˇ ve htaꞈ Pawˇluꞈ awˬ bon gʼa ve yoˬ.—Tcuh 18:1-5.
Nawˬ Gʼuiˬ sha ve kanˉ te ve hkʼaw awˬ viˉ awˬ nyi hkʼaˬ hkʼe ga laˇ gʼa tuˬ le? Tawˇ gʼawˬ laˇ ve htaꞈ nawˬ hkʼaˬ hkʼe hkʼawꞈ piˇ gʼa tuˬ yawˇ hui beˆ maˍ laˇ gʼa ve yoˬ. Ca kʼawꞈ guiˇ˗e ve, Liꞈ hpu henˇ tuˬ jehˬ piˇ ve, Liꞈ hpu maˍ tuˬ awˬ hkʼaˇ yawˇ hui nawˬ htaꞈ beˆ maˍ laˇ gʼa ve yoˬ. Nawˬ ve Hkriꞈ yaˇ awˬ moˍ hkʼaw a shu teˇ gʼaˇ nawˬ htaꞈ ga laˇ gʼa ve dawˇ nyi leh yawˇ ga laˇ tuˬ ca lawˬ sheˍ. Nawˬ chi hkʼe te ve kʼo, nawˬ leh yawˇ Gʼuiˬ sha ve kanˉ te ve hkʼaw awˬ bon gʼa leh ha lehˬ tuˬ yoˬ.—Hpi 1:25.
Shu awˬ laꞈ gʼawˇ hpehꞈ la tuˬ maˍ piˇ ve hkʼaw ha lehˬ˗oꞈ—Yaˬhoˉvaˬ ga laˇ ve htaꞈ haꞈ yuˬ˗oꞈ—ngaˬ hui ve awˬ viˉ awˬ nyi VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Na˗daꞈ hpawnˬ daꞈ la tuˬ Na˗hteˇ hkʼaˬ hkʼe taw taw coˇ caˇ leh jehˬ piˇ ve le?
Aˬ htoꞈ ma pa taw Liꞈ hpu maˍ˗e htaˇ awˬ nu ve awˬ viˉ awˬ nyi teˇ geh kʼai tuˬ jehˬ piˇ cawˇ ve le?
Chaw teˇ gʼaˇ gʼaˇ awˬ laꞈ gʼawˇ hpehꞈ la tuˬ ga piˇ gʼa tuˬ Hkriꞈ yaˇ awˬ moˍ hkʼaw awˬ viˉ awˬ nyi hkʼa peu˗eˬ gʼa ga daꞈ ve
Na˗daꞈ leh Aˍbiˉgeˍlaˆ dawˇ cawˇ ve shuˍ daꞈ ve aˬ htoꞈ ma cawˬ ve le?
Nawˬ Gʼuiˬ sha ve kanˉ teˇ geh te ve awˬ chawˇ geh aˬ htoꞈ ma henˇ yuˬ gʼa ve le?