Yaˬhoˉvaˬ ga laˇ ve htaꞈ haꞈ yuˬ˗oꞈ—Bon lawˬ ve

Chaw yaˇ ve nyi ma hkʼaw awˬ tehˬ ve awˬ yawˇ uiˍ la mvuh la tuˬ Yaˬhoˉvaˬ te piˇ ve yoˬ. (1 Kawˇ 3:6-9) Chi htaꞈ pa taw, ngaˬ hui Gʼuiˬ sha ve kanˉ te ve hkʼaw te biˇ la gʼa tuˬ, Yaˬhoˉvaˬ ngaˬ hui htaꞈ ga laˇ tuˬ leh Liꞈ hpu henˇ ve chaw htaꞈ ga piˇ tuˬ gʼa lawˬ ve yoˬ.

Nawˬ geh Liꞈ hpu henˇ ve chaw shoꞈ shaꞈ ve leh tawˍ ve tsuhˇ ve htaꞈ yeunˇ hkanˍ gʼaˇ tuˬ, nawˬ Yaˬhoˉvaˬ geh bon lawˬ gʼa ve yoˬ. (Hpi 1:9, 10) Nawˬ geh Liꞈ hpu henˇ ve chaw htaꞈ hkʼaˬ hkʼe te ga piˇ gʼa tuˬ, nawˬ htaꞈ daꞈ kehˬ ve awˬ ha hpu beˆ maˍ laˇ tuˬ hteˇ˗ehꞈ lawˬ gʼa ve yoˬ. (Luˉ 11:13) Liꞈ hpu henˇ ve chaw bon hkʼaˬ hkʼe lawˬ tuˬ maˍ piˇ leh yawˇ Yaˬhoˉvaˬ geh bon lawˬ tuˬ awˬ gʼaˇ piˇ sheˍ. Nawˬ Liꞈ hpu henˇ ve chaw geh bon lawˬ htaˇ, maˇ heˆ leh nawˬ yawˇ awˬ pon bon lawˬ piˇ htaˇ, yawˇ ve awˬ meh kaꞈ kʼoˆ sheˍ.

Shu awˬ laꞈ gʼawˇ hpehꞈ la tuˬ maˍ piˇ ve hkʼaw ha lehˬ˗oꞈ—Yaˬhoˉvaˬ ga laˇ ve htaꞈ haꞈ yuˬ˗oꞈ—Bon lawˬ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Na˗hteˇ Na˗daꞈ htaꞈ Liꞈ hpu maˍ piˇ htaˇ, Na˗hteˇ shoꞈ shaꞈ ve aˬ htoꞈ ma gʼa hpuˇ ve le?

• 1 Kawˇrenˍhtuˆ liꞈ 3:6 Na˗hteˇ htaꞈ hkʼaˬ hkʼe ga piˇ ve le?

• Na˗hteˇ ve dawˇ haˍ tuˬ hkʼaˬ hkʼe te mehˉ kʼai gʼa ve le?