Daꞈ kehˬ ve awˬ ha hpu htaꞈ pa taw haˍ jaˇ ve kanˉ te gʼa ve

Ponˬ laˬ ve awˬ yanˇ hkʼaw Yaˬhoˉvaˬ ve chaw anˇ lawꞈ lawꞈ ve kanˉ laiˉ ceuˬ te gʼa ve yo. Yawˇ hui te gʼa ve lehˬ, yawˇ hui ve awˬ gʼaˇ awˬ shaˉ leh cheuˬ ve htaꞈ pa taw te gʼa ve maˇ heˆ. Yaꞈ hkʼaˇ, Yaˬhoˉvaˬ ga piˇ ve pa taw te gʼa ve yoˬ. Tawˇ pa haˉ te kʼo, 1954 hkʼawꞈ htaˇ Yaˬhoˉvaˬ ve kanˉ hkʼaˇ te ve awˬ ceuˬ htaꞈ kʼoˆ maˍ ve awˬ lawn awˬ han teˇ maˬ te tawˆ la ve yoˬ. Awˬ han chi awˬ tcuhˆ puiˍ lonˉ lo chehˇ ve awˬ viˉ awˬ nyi te tawˆ ve leh awˬ han chi hkʼa shuˍ teˇ pawˆ kaꞈ maˇ te jaw sheˍ. Yaˬhoˉvaˬ ve daꞈ kehˬ ve awˬ ha hpu ga laˇ ve pa taw haˍ jaˇ ve kanˉ te gʼa ve yoˬ. Awˬ lawn chi ngaˬ hui htaꞈ maˍ laˇ ve ngaˬ hui Yaˬhoˉvaˬ htaꞈ gʼaˇ va ve kʼo, ngaˬ hui haˍ jaˇ ve awˬ vuiˬ gʼa ve htawˇ te gʼa tuˬ yoˬ.—Zaˍ 4:6.

“Yaˬhoˉvaˬ ve kanˉ hkʼaˇ te ve awˬ ceuˬ” VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Aˬ htoꞈ ma pa taw awˬ tcuhˆ puiˍ lonˉ htaꞈ caˉ daꞈ ve awˬ han te tawˆ tuˬ dawˇ cheˆ ve le?

• Beˍteˍlaˆ chaw yaˇ ve awˬ to htaꞈ shu ve tehꞈ awˬ han chi hkʼaw hkʼaˬ hkʼe maˍ laˇ ve le?—1 Kawˇ 12:14-20

• Awˬ han chi te htaˇ awˬ viˉ awˬ nyi shoꞈ shaꞈ ve aˬ htoꞈ ma gʼa hpuˇ ve le? Leh yawˇ hui hkʼaˬ hkʼe gu ve le?

• Awˬ han chi te ve htaꞈ Yaˬhoˉvaˬ ve daꞈ kehˬ ve awˬ ha hpu htaꞈ caˉ daꞈ ve, ngaˬ hui htaꞈ aˬ htoꞈ ma maˍ laˇ ve le?