Hkriꞈ yaˇ ve a shaꞈ teꞈ hkʼaˇ
Yaˬhoˉvaˬ haꞈ pehnˇ ve co co yeˬ ve htaꞈ gʼaˇ va ve
Nawˬ awˬ hpfuhˇ hkʼaˆ jaˇ ve tehꞈ Yaˬhoˉvaˬ shawˍ ve yoˬ. (Isy 43:4) Nawˬ Gʼuiˬ sha geh laˬ tuˬ leh yawˇ ve kanˉ hkʼaˇ awˬ hkʼaw lo chehˇ la tuˬ Gʼuiˬ sha nawˬ htaꞈ gʼawˬ veu laˇ ve yoˬ. Nawˬ awˬ to chiˇ aꞈ leh Baˆtiˆsaˬ haꞈ yuˬ htaˇ nawˬ kaꞈ Yaˬhoˉvaˬ ve chaw hpehꞈ la ve yoˬ. Nawˬ tuꞈ ve hkanˍ ve gʼa hpuˇ ve htawˇ, Gʼuiˬ sha yawˇ ve mawˇ awˬ hpfuhˇ hkʼaˆ jaˇ ve htaꞈ haꞈ shaˉ ve hkʼe, nawˬ htaꞈ haꞈ shaˉ laˇ tuˬ yoˬ. Gʼuiˬ sha yawˇ ve kanˉ hkʼaˇ htaꞈ yehˇ leh nawˬ htaꞈ haꞈ pehnˇ ve co co yeˬ ve hpeuꞈ maw laˇ tuˬ yoˬ.—Chiˇ 25:10.
Ponˬ laˬ ve maˇ maw ve hkʼaw maˇ dawˇ maˇ gaˇ ve awˬ ceuˬ hpehꞈ la htaˇ, Gʼuiˬ sha ve kanˉ hkʼaˇ hkʼaˬ hkʼe te ve htaꞈ nawˬ gʼa mawˬ htaˇ, Yaˬhoˉvaˬ haꞈ pehnˇ ve co co yeˬ ve htaꞈ nawˬ awˬ hpfuhˇ shiˍ maˇ la tuˬ yoˬ.
2019 hkʼawꞈ ve awˬ lawn caˉ daꞈ paˍ kawˍmiˍtiˍ shiˍ laˇ kaˇ laˇ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Caˉ daꞈ paˍ kawˍmiˍtiˍ awˬ tcuhˆ puiˍ teˇ kaˬ le le lo maˇ dawˇ maˇ gaˇ ve awˬ ceuˬ hpehꞈ la htaˇ, yawˇ hui haꞈ yuˬ gʼa tuˬ hkʼaˬ hkʼe ga piˇ ve le?
Enˬdoˬneˇshaˇ leh Nai˗jeˇriˇ˗aˇ mvuhˇ miˬ lo Gʼuiˬ sha ve kanˉ hkʼaˇ yawˇ hui htaꞈ hkʼaˬ hkʼe beˆ maˍ piˇ ve leh hkʼaˬ hkʼe ga piˇ ve le?
A naˍ 19 pehˉ kʼai ve awˬ yanˇ hkʼaw Gʼuiˬ sha ve kanˉ hkʼaˇ te ve awˬ ceuˬ, aˬ htoꞈ ma teˇ ceuˬ htaꞈ nawˬ dawˇ cawˇ ve le?