Liꞈ hpu henˇ ve chaw maˇ daꞈ ve chaw htaꞈ awˬ chawˇ maˇ te tuˬ ga piˇ sheˍ

Liꞈ hpu henˇ ve chaw Yaˬhoˉvaˬ geh awˬ chawˇ te daꞈ gaˇ ve kʼo yawˇ daꞈ ve chaw geh awˬ chawˇ gʼa te ve yoˬ. (Chiˇ 15:1, 4) Awˬ lawn kʼo, daꞈ ve awˬ chawˇ lehˬ yawˇ hteˇ ve cawˇ ve awˬ ceuˬ te tuˬ ga piˇ gʼa ve yoˬ.—Tawˇ 13:20; lff awˬ lawn 48.

Liꞈ hpu henˇ ve chaw maˇ daꞈ ve awˬ chawˇ htaꞈ awˬ chawˇ maˇ te tuˬ ngaˬ hui ga piˇ htaˇ ngaˬ hui yawˇ hui awˬ pon kaꞈ gʼa dawˇ nyi piˇ ve yoˬ. Awˬ lawn kʼo, yawˇ hui awˬ pon maˇ daꞈ ve awˬ chawˇ htaꞈ awˬ chawˇ maˇ te tuˬ haˍ jaˇ ve yoˬ hehˉ. Chi htaꞈ pa taw, nawˬ yawˇ htaꞈ Liꞈ hpu maˍ piˇ htaˇ yawˇ htaꞈ a yeˇ yuˬ ve leh dawˇ haˍ ve tehꞈ hpeuꞈ maw piˇ sheˍ. Nawˬ yawˇ htaꞈ liꞈ bvuhꞈ feu piˇ gʼa ve, tawˇ yaw daꞈ tuˬ awˬ hkʼeun hkʼaw tawˇ yaw daꞈ gʼa ve, maˇ heˆ leh yawˇ geh ca guiˇ˗e kaꞈ gʼa ve yoˬ. Nawˬ geh Liꞈ hpu henˇ ve chaw co ha hpawˇ uiˍ la mvuh la˗oˬ ve kʼo, yawˇ awˬ viˉ awˬ nyi geh ca guiˇ˗e tuˬ leh awˬ caˇ˗e tuˬ jehˬ piˇ sheˍ. Chi hkʼe te ve lehˬ, yawˇ maˇ daꞈ ve awˬ chawˇ htaꞈ gʼa baˬ taˉ ve htawˇ, yawˇ awˬ chawˇ laiˉ gʼaˇ kawꞈ gʼa tuˬ yoˬ tehꞈ, yonˍ gʼa tuˬ te piˇ ve yoˬ. (Mk 10:29, 30) Yaˬhoˉvaˬ ve yehˬ kʼa hkʼaw chaw awˬ suhˉ kawꞈ cawˬ la ve htaꞈ nawˬ gʼa mawˬ htaˇ nawˬ kaꞈ ha lehˬ tuˬ yoˬ.

Nawˬ geh Liꞈ hpu henˇ ve chaw htaꞈ ga piˇ sheˍ—Maˇ daꞈ ve awˬ chawˇ htaꞈ awˬ chawˇ maˇ te ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Maˇ daꞈ ve awˬ chawˇ htaꞈ awˬ chawˇ te ve lehˬ aˬ htoꞈ ma kʼoˆ gaˇ ve le?—1 Kawˇ 15:33

• Na˗daꞈ awˬ pon kʼo Hkriꞈ yaˇ pawehˇ te ve lehˬ hkʼaˬ hkʼe hpehꞈ ve tehꞈ yawˇ dawˇ ve le?

• Na˗daꞈ maˇ daꞈ ve awˬ chawˇ htaꞈ awˬ chawˇ maˇ te tuˬ Na˗hteˇ hkʼaˬ hkʼe ga piˇ ve le?