Nawˬ geh Liꞈ hpu henˇ ve chaw maˇ daꞈ ve te hkʼaˇ dawˇ hkʼaˇ htaꞈ baˬ taˉ tuˬ ga piˇ sheˍ

Daꞈ ve te hkʼaˇ dawˇ hkʼaˇ cawˬ ve chaw ceh tiˉ Yaˬhoˉvaˬ geh meuˆ daꞈ gʼa ve yoˬ. (1 Peˍ 1:14-16) Liꞈ hpu henˇ ve chaw maˇ daꞈ ve te hkʼaˇ dawˇ hkʼaˇ htaꞈ baˬ taˉ htaˇ, yawˇ ve yehˬ kʼa hkʼaw, chehˇ sha cawˬ sha hpawˇ, leh hpu hpawˇ, yawˇ daꞈ ve a shaꞈ cawˬ la ve tehꞈ gʼa mawˬ tuˬ yoˬ.

Yaˬhoˉvaˬ daꞈ kehˬ ve te hkʼaˇ dawˇ hkʼaˇ hkʼaˬ hkʼe cawˬ ve tehꞈ, Liꞈ hpu henˇ ve chaw hkʼa dehꞈ na gʼa tuˬ gʼa kʼoˆ maˍ piˇ ve yoˬ. Yawˇ hui maˇ daꞈ ve te hkʼaˇ dawˇ hkʼaˇ htaꞈ aˬ htoꞈ ma te gʼa baˬ taˉ cawˇ ve le, leh chi hkʼe te ve kʼo aˬ htoꞈ ma awˬ bon cawˬ ve le, tehꞈ kʼoˆ maˍ piˇ sheˍ. Yawˇ dawˇ hkʼaˇ pa tuˬ kaꞈ ga piˇ sheˍ. Awˬ lawn kʼo, yawˇ dawˇ hkʼaˇ pa ve kʼo Yaˬhoˉvaˬ kʼoˆ laˇ ve htaꞈ gʼaꞈ te gaˇ tuˬ yoˬ. (Efs 4:22-24) Yawˇ maˇ daꞈ ve te hkʼaˇ dawˇ hkʼaˇ htaꞈ baˬ taˉ gʼa tuˬ, Yaˬhoˉvaˬ ga laˇ tuˬ yoˬ tehꞈ, yonˍ gʼa tuˬ awˬ gʼaˇ piˇ sheˍ. (Hpi 4:13) Yawˇ maˇ daꞈ ve te hkʼaˇ dawˇ hkʼaˇ htaꞈ kʼawꞈ te gaˇ htaˇ, Yaˬhoˉvaˬ ga laˇ tuˬ bon lawˬ tuˬ maˍ piˇ sheˍ. Yawˇ maˇ daꞈ ve te hkʼaˇ dawˇ hkʼaˇ hkʼaˬ hkʼe htaˇ kʼawꞈ te la gʼa ve, awˬ yanˇ chi hkʼe ve htaꞈ jaw kʼai tuˬ kʼoˆ maˍ piˇ sheˍ. Yawˇ maˇ daꞈ ve awˬ ceuˬ htaꞈ maˇ kʼawꞈ te tuˬ awˬ nu ve awˬ ceuˬ te gʼa ve tehꞈ kʼoˆ maˍ piˇ sheˍ. Yaˬhoˉvaˬ Liꞈ hpu henˇ ve chaw htaꞈ ga piˇ leh yawˇ awˬ to pa ve htaꞈ ngaˬ hui gʼa mawˬ htaˇ, ngaˬ hui ha lehˬ jaˇ tuˬ yoˬ.

Nawˬ geh Liꞈ hpu henˇ ve chaw htaꞈ ga piˇ sheˍ—Maˇ daꞈ ve te hkʼaˇ dawˇ hkʼaˇ baˬ taˉ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• 

  Nyi haꞈ shaˉ paˍ leh Na˗hteˇ Na˗daꞈ htaꞈ yonˍ ve tehꞈ hkʼaˬ hkʼe te hpeuꞈ maw piˇ ve le?

• 

  Na˗hteˇ Na˗daꞈ htaꞈ hkʼaˬ hkʼe ga piˇ ve le?

• 

  Yaˬhoˉvaˬ ga laˇ tuˬ Na˗daꞈ hkʼaˬ hkʼe lawˬ ve le?