Mvuhˇ miˬ uˉ peunˍ hpawˇ shoꞈ shaꞈ la tuˬ ve htaꞈ nawˬ gu hehnˇ˗oˬ laˇ?

Awˬ leh meuˇ ve awˬ yanˇ gaˬ la paˇ neˇ htaˇ, mvuhˇ miˬ uˉ peunˍ hpawˇ shoꞈ shaꞈ ve, haiˬ ve awˬ ceuˬ te ve, leh maꞈ bawˆ daꞈ ve awˬ ceuˬ cawˬ maˇ la tuˬ yoˬ tehꞈ, ngaˬ hui shiˍ ve yoˬ. (Hpeuꞈ 6:4) Awˬ lawn chi maˇ hpehꞈ sheˍ htaˇ ngaˬ hui hkʼaˬ hkʼe te gu hehnˇ gʼa tuˬ le?

• Yonˍ hkʼaˇ hpawˇ gu hehnˇ sheˍ: Yaˬhoˉvaˬ leh yawˇ ve kanˉ hkʼaˇ htaꞈ gʼaˇ va tuˬ, leh choˬ paˉ oˇ paˉ maˇ chehˇ tuˬ ga laˇ gʼa ve Liꞈ hpu hkʼaw ve awˬ liˇ awˬ hkʼaˇ leh awˬ lawn htaꞈ ca nyi sheˍ. (Tawˇ 12:5; jr 125-126 ¶23-24) Chi teˇ hkui nawˬ Hkriꞈ yaˬ awˬ moˍ hkʼaw ve awˬ viˉ awˬ nyi htaꞈ meuˆ daꞈ maˇ la tuˬ coˇ caˇ sheˍ.—1 Peˍ 4:7, 8

• Hkʼa dehꞈ gu sheˍ: Nawˬ ve yehˬ hkʼaw lo hkʼaˬ kaˬ lo ca vaꞈ tuˬ gu sheˍ. Leh a yeˇ uiˍ ve awˬ ceuˬ kaꞈ gu sheˍ. Chi hkʼoˆ kaꞈ nawˬ ve yehˬ lo gʼa hpaw tawˆ˗e ve kʼo, hkʼaˬ hkʼe te tuˬ kaꞈ gu sheˍ. Taˉ poˆ, hpu, leh a shu yawˇ awˬ to mawˇ yehˇ tuˬ ve awˬ ceuˬ. Tawˇ pa haˉ te kʼo, laꞈ dawˇ, leh naˍ hkʼawˇ hoˆ tuˬ ve kaꞈ gu sheˍ. Leh nawˬ nyi haꞈ shaˉ paˍ htaꞈ caˉ daꞈ gʼa tuˬ, leh nyi haꞈ shaˉ paˍ kaꞈ nawˬ htaꞈ caˉ daꞈ gʼa tuˬ, hkʼa dehꞈ gu sheˍ.—Isy 32:2; g17.5-SI 3-7

Shoꞈ shaꞈ ve awˬ yanˇ htaˇ, Hkriꞈ yaˇ te cawˇ ve awˬ ceuˬ hkʼa dehꞈ te sheˍ. Tawˇ pa haˉ te kʼo, bon lawˬ ve, a shu yawˇ hkʼaˇ yawˇ Liꞈ hpu henˇ ve, leh hpawnˬ daꞈ ve. (Hpi 1:10) Hteunˉ ti ve maˇ heˆ kʼo, nawˬ ve chehˇ kuiˬ teˇ kaˬ peuˬ teˇ kaˬ taˇ jiˆ kʼai. (Maꞈ 10:16) Caˇ tuˬ leh a yeˇ uiˍ ve mawˇ, awˬ viˉ awˬ nyi geh pehˬ piˇ daꞈ sheˍ.—Roˉ 12:13.

Mvuhˇ yeˬ mvuhˇ haw lonˉ awˬ pon nawˬ gu hehnˇ˗oˬ laˇ? VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Tuꞈ ve hkanˍ ve gʼa hpuˇ htaˇ Yaˬhoˉvaˬ ngaˬ hui htaꞈ hkʼaˬ hkʼe ga laˇ ve le?

• Ngaˬ hui hkʼaˬ hkʼe te gu hehnˇ gʼa ve le?

• Awˬ nu ve chaw tuꞈ ve hkanˍ ve gʼa hpuˇ chehˇ ve htaꞈ ngaˬ hui hkʼaˬ hkʼe te ga piˇ gʼa tuˬ le?