Gʼuiˬ sha ve kanˉ te ve hkʼaw chi beuꞈ teˇ co˗e hpehꞈ chehˇ ve awˬ lawn yaw daꞈ ve

Yeˍsuˆ lehˬ Gʼuiˬ sha ve kanˉ te ve hkʼaw hpehꞈ la gehnˇ sheˍ ve awˬ ceuˬ htaꞈ yehˇ leh chaw yaˇ htaꞈ maˍ piˇ ve yoˬ. (Luˉ 13:1-5) Shu awˬ tehˬ ve htaꞈ shiˍ gaˇ tuˬ, nawˬ kaꞈ chi beuꞈ teˇ co˗e hpehꞈ chehˇ ve awˬ lawn htaꞈ yehˇ leh kʼoˆ maˍ piˇ gʼa ve yoˬ. Ca caˇ gʼaꞈ caˇ hpawˇ, tuꞈ ve hkanˍ ve hpawˇ, mvuhˇ miˬ shoꞈ shaꞈ ve hpawˇ, awˬ yeꞈ caˆ puiˉ ve naˆ tsuhˇ, maˇ heˆ leh awˬ nu ve awˬ lawn yaw daꞈ peuˬ hkʼawꞈ nawˉ, yehˬ shehˍ hpaˇ dawˇ nyi tuˬ nawˬ na hkawˇ yehˇ gʼa ve yoˬ. Nawˬ chi hkʼe na piˇ gʼa ve, “nawˬ dawˇ kʼo, . . . ve awˬ lawn peuˬ kʼai gʼa˗aw laˇ?” Maˇ heˆ leh, “nawˬ dawˇ kʼo, . . . ve awˬ lawn htaꞈ gu tuˬ aˬ htoꞈ ma ga laˇ gʼa ve le?” Peuˬ hkʼawꞈ nawˉ, awˬ lawn htaꞈ caˉ daꞈ ve Liꞈ hpu awˬ tawn yawˇ htaꞈ gʼaw maˍ piˇ gʼa ve yoˬ. Ngaˬ hui hto toˇ kuiˬ awˬ ti lo ve chaw awˬ tehˬ ve htaꞈ a yeˇ yuˬ tuˬ, ngaˬ hui lehˬ ‘daꞈ ve awˬ lawn sha tanˇ awˬ pon hkʼa peu˗eˬ htaꞈ te ve yoˬ.’—1 Kawˇ 9:22, 23.

Nawˬ hto toˇ kuiˬ lo ve chaw aˬ htoꞈ ma awˬ lawn htaꞈ a yeˇ te chehˇ ve le?