Hkriꞈ yaˇ ve a shaꞈ teꞈ hkʼaˇ
A shu yawˇ ve nyi ma htaꞈ yuˬ tiˍ sheˍ
Ngaˬ hui maˇ biˇ ve chaw hpehꞈ ve pa taw hkʼaˬ htaˆ kaꞈ a shu yawˇ awˬ to htaꞈ gʼa yuˬ tiˍ ve yoˬ. Ngaˬ hui a shu yawˇ ve a loˍ htaꞈ gʼaꞈ te leh awˬ to htaꞈ yuˬ tiˍ ve maˇ cawˬ ve kʼo, Yaˬhoˉvaˬ nyi hkʼaˇ maˇ suh tuˬ te piˇ la ve yoˬ. Tawˇ pa haˉ te kʼo, chaw teˇ hpaˍ kʼo caˇ tuˬ mehˬ mehˬ ve gʼa caˇ tuˬ, aˉ poꞈ veuꞈ kʼaˉ awˬ suhˉ cawˬ tuˬ, leh daꞈ ve yehˬ cawˬ tuˬ gʼaꞈ ca ve yoˬ. Yawˇ hui awˬ ceuˬ chi teˇ hpaˍ Gʼuiˬ sha aꞈ kehˉ haꞈ ve yoˬ. Teˇ hpaˍ kʼo, pehꞈ ve tzuhˆ ve awˬ ceuˬ te ve Gʼuiˬ sha ve awˬ liˇ awˬ hkʼaˇ htaꞈ maˇ na yuˬ ve yoˬ. (Roˉ 1:26, 27) Chaw teˇ hpaˍ kʼo, yawˇ ve awˬ chawˇ yawˇ htaꞈ dawˇ cawˇ tcuh gaˇ leh haꞈ yuˬ laˇ tcuh gaˇ ve pa taw, yawˇ ve awˬ chawˇ kʼoˆ laˇ ve maˇ daꞈ ve awˬ ceuˬ hpehꞈ ve tehꞈ, yawˇ shiˍ ve htawˇ yawˇ gʼaꞈ te ve yoˬ.—Tawˆ 23:2.
Hkʼe kʼo, ngaˬ hui a shu yawˇ awˬ to htaꞈ hkʼaˬ hkʼe te yuˬ tiˍ gʼaˇ tuˬ le? Yaˬhoˉvaˬ nyi hkʼaˇ suh ve awˬ ceuˬ htaꞈ te gʼa tuˬ ngaˬ hui gʼaˇ hteꞈ gʼa coˇ caˇ ve yoˬ. (Maꞈ 4:4) Leh ngaˬ hui maˇ daꞈ ve dawˇ hkʼaˇ htaꞈ yuˬ tiˍ gʼaˇ tuˬ Yaˬhoˉvaˬ ga laˇ tuˬ gʼa lawˬ ve yoˬ. Awˬ lawn kʼo, ngaˬ hui awˬ pon aˬ htoꞈ ma daꞈ ve leh ngaˬ hui htaꞈ ga laˇ tuˬ awˬ hkʼaˇ Yaˬhoˉvaˬ shiˍ ve yoˬ.—Chiˇ 145:16.
Shuˉ htaꞈ pa taw nawˬ ve a shaꞈ taˇ luˬ kʼai tcuh VDO nyi leh na hkawˇ chi htaꞈ hkʼawꞈ laˇ sheˍ:
Aˬ htoꞈ ma pa taw chaw teˇ hpaˍ hpaˍ shuˉ dawˬ ve le?
Shuˉ dawˬ ve lehˬ nawˬ htaꞈ heuˆ la kuiˬ hkʼaˬ hkʼe cawˬ ve le?
Shuˉ hkʼaˬ hkʼe ve dawˬ ve htawˇ maˇ kʼoˆ aˬ htoꞈ ma te yaꞈ ve le?—2 Kawˇ 7:1
Nawˬ shuˉ tawˍ gʼa ve!
Shu nawˬ htaꞈ shuˉ dawˬ tuˬ jehˬ laˬ htaˇ hkʼaˬ hkʼe te leh maˇ dawˬ tehꞈ kʼoˆ piˇ gʼa tuˬ le? Maˇ heˆ leh shuˉ hkʼaˬ hkʼe te tawˍ gʼa tuˬ le?