Yaˬhoˉvaˬ leh Yeˬsuˆ htaꞈ yonˍ ve cawˬ maˇ la tuˬ Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ htaꞈ yehˇ sheˍ

Liꞈ hpu henˇ ve chaw Gʼuiˬ sha nyi hkʼaˇ suh tuˬ te piˇ gaˇ ve kʼo, yawˇ awˉ lawˉ yonˍ yeˬ ve gʼa cawˬ ve yoˬ. (Heˍ 11:6) Chi hkʼe te gʼa tuˬ Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ htaꞈ yehˇ leh yawˇ hui htaꞈ ga piˇ gʼa ve yoˬ. Liꞈ chi teˇ kʼoˆ hkʼaw Liꞈ hpu laiˉ tawn cawˬ ve, VDO laiˉ lawn cawˬ ve, leh nyi sha ve awˬ han kaꞈ cawˬ ve yoˬ. Ngaˬ hui geh Liꞈ hpu henˇ ve chaw Hkriꞈ yaˇ ve te hkʼaˇ dawˇ hkʼaˇ cawˬ tuˬ leh Gʼuiˬ sha geh meuˆ daꞈ maˇ la tuˬ ga piˇ ve kʼo, yawˇ beˬ ve lawˇ ve aˬ miˬ hkʼa shu gʼa hpuˇ htaˇ ponˬ gʼa tuˬ daꞈ ve awˬ hkuiˉ puiˍ kawˍ ve cawˬ tuˬ, ngaˬ hui ga piˇ chehˇ ve yoˬ.—1 Kawˇ 3:12-15.

Chaw teˇ hpaˍ hpaˍ kʼo yawˇ hui maˇ mawˬ gʼa ve Gʼuiˬ sha geh awˬ chawˇ te tuˬ haˍ ve tehꞈ dawˇ ve yoˬ. Chi htaꞈ pa taw, yawˇ hui Yaˬhoˉvaˬ htaꞈ shiˍ daꞈ leh gʼaˇ va gʼa tuˬ ngaˬ hui gʼa ga piˇ ve yoˬ.

“Nawˬ ve a shaꞈ co co taiˍ taiˍ ha lehˬ gʼa ve!” liꞈ kʼoˆ chi yehˇ leh shu Yaˬhoˉvaˬ htaꞈ yonˍ ve cawˬ tuˬ ga piˇ sheˍ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Awˬ viˉ awˬ nyi yaˇ miˇ Liꞈ hpu maˍ tuˬ hkʼa dehꞈ gu taˍ ve tehꞈ ngaˬ hui hkʼaˬ hkʼe te shiˍ gʼa ve le?

• Liꞈ hpu henˇ ve chaw yawˇ ve dawˇ hkʼaˇ kʼoˆ maˍ laˇ tuˬ leh awˬ viˉ awˬ nyi Iˉsaˍyaˆ 41:10, 13 hkʼaw bvuhꞈ taˍ ve awˬ lawn kʼoˆ maˍ piˇ tuˬ aˬ htoꞈ ma na hkawˇ yehˇ ve le?

• VDO leh Liꞈ hpu awˬ tawn teˇ hpaˍ Liꞈ hpu henˇ ve chaw hkʼaˬ hkʼe dawˇ tuˬ te piˇ ve le?

Laiˉ gʼaˇ htaiˍ hkʼawꞈ ve awˬ hpfuhˇ htaꞈ maˇ shiˍ, maˇ heˆ leh htaiˍ hkʼawꞈ ve awˬ hpfuhˇ lehˬ Yaˬhoˉvaˬ yawˇ hui htaꞈ peꞈ laˇ ve laꞈ shawnˍ hpehꞈ ve tehꞈ, yawˇ hui maˇ dawˇ. (Gaˍ 2:20) Chi htaꞈ pa taw, yawˇ hui Yeˍsuˆ htaiˍ hkʼawꞈ laˇ ve awˬ hpfuhˇ htaꞈ yonˍ tuˬ ngaˬ hui gʼa ga piˇ ve yoˬ.

“Nawˬ ve a shaꞈ co co taiˍ taiˍ ha lehˬ gʼa ve!” liꞈ kʼoˆ chi yehˇ leh shu Yeˍsuˆ htaꞈ yonˍ ve cawˬ tuˬ ga piˇ sheˍ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Awˬ viˉ awˬ nyi hawˉ hkʼaˆ Liꞈ hpu maˍ tuˬ hkʼa dehꞈ gu taˍ ve tehꞈ ngaˬ hui hkʼaˬ hkʼe te shiˍ gʼa ve le?

• Liꞈ hpu henˇ ve chaw htaꞈ ga piˇ gʼa tuˬ awˬ viˉ awˬ nyi hawˉ hkʼaˆ “Kʼawꞈ caˉ nyi gʼa ve” awˬ tawn htaꞈ hkʼaˬ hkʼe yehˇ ve le?

• Liꞈ hpu henˇ ve chaw geh bon lawˬ ve leh bon lawˬ htaˇ yawˇ ve awˬ lawn kʼoˆ ve lehˬ aˬ htoꞈ ma te a yeˇ uiˍ ve le?