Tawˇ yaw daꞈ tuˬ awˬ hkʼaˇ yehˇ ve

Tawˇ yaw daꞈ tuˬ awˬ hkʼaˇ gu ve ngaˬ hui ve awˬ viˉ awˬ nyi kanˉ te hkeuꞈ jaˇ. Hto toˇ ve chaw laiˉ gʼaˇ kʼoˆ ve, tawˇ yaw daꞈ tuˬ awˬ hkʼaˇ yehˇ ve yawˇ hui Gʼuiˬ sha ve kanˉ hkʼa dehꞈ te gʼa tuˬ ga laˇ ve yoˬ. Yaꞈ hkʼaˇ, teˇ mvuhˇ miˬ leh teˇ mvuhˇ miˬ maˇ shuˍ daꞈ ve pa taw, hto toˇ ve chaw hto toˇ kuiˬ lo hawˍ daꞈ ve awˬ lawn leh awˬ hkʼaˇ pa gʼa ve yoˬ. Yaꞈ hkʼaˇ, a yeˇ uiˍ ve hto toˇ ve cawˬ ve kʼo, beˆ maˍ laˇ ve awˬ hkʼaˇ suh ngaˬ hui gʼa gʼaꞈ te cawˇ ve yoˬ. Gʼuiˬ sha ve mvuhˇ miˬ daꞈ ve awˬ lawn sha tanˇ hto toˇ tuˬ, Yeˍsuˆ beˆ maˍ laˇ ve htaꞈ ngaˬ hui gʼaꞈ te gaˇ ve yoˬ.—Maꞈ 24:14.

Liꞈ henˇ yaˇ ve awˬ vuiˬ te htaˇ, A shaꞈ teꞈ hkʼaˇ leh Gʼuiˬ sha kanˉ te ve Hpawnˬ daꞈ ve te jawˬ tuˬ liꞈ kʼoˆ hkʼaw tawˇ yaw daꞈ tuˬ ve awˬ hkʼaˇ yehˇ cawˇ ve yoˬ. Yaꞈ hkʼaˇ, awˬ nu ve beˆ maˍ laˇ hkawˇ maˇ cawˬ ve kʼo, hto toˇ ve chaw, na hkawˇ, Liꞈ hpu awˬ tawn, leh ca kʼawꞈ guiˇ˗e ve, maˇ heˆ leh hto toˇ kuiˬ lo ve chaw htaꞈ hawˍ daꞈ tuˬ awˬ pon pa gʼa ve yoˬ. Chi lehˬ hpawnˬ daꞈ ve te jawˬ tuˬ liꞈ kʼoˆ hkʼaw, 2020 hkʼawꞈ Ha pa 6 maˬ liꞈ mehˆ hpfuhˇ 8 maˬ hkʼaw pa ve beˆ maˍ laˇ hkawˇ hpehꞈ ve yoˬ.